Nukissiuutit ataavartut pillugit ataatsimeersuarnermut nunarput peqataatitaqartoq

2016-imi juunip ulluisa 14-anni aamma 15-anni Pinngortitamut, Avatangiisinut Nukissiuuteqarnermullu Naalakkersuisoq Mala Høy Kúko Bruxellesimi nukissiuutit ataavartut pillugit ataatsimeersuarnermut peqataavoq.

Ataatsimeersuarnermi nukissiuutini ataavartuni periarfissat aallunneqarnissaat siunertarineqarpoq. Kalaallit Nunaat pingaartumik erngup nukinganik suliaqarnermi nukkittuumik inissisimavoq.

- Kalaallit Nunaanni ukiut 30-t matuma siornatigulli erngup nukinganut aningaasaliisalerpugut. Ullumikkut pisortat innaallagissamik pilersuineranni 65 %-it erngup nukinganik innaallagissiorfinnit angisuunit tallimanit pissarsiarineqartarpoq. Nukissamik pilersuineq allanngoranngitsoq tutsuiginartorlu akilerneqarsinnaasoq  aningaasaqarnikkut namminiilernissamut iluaqutissaavoq pingaarutilik, aammalu Kalaallit Nunaata minguinnerulernissaa Naalakkersuisuni pimoorullugu anguniagaraarput, Mala Høy Kúko oqarpoq.

Ataatsimeersuarneq OCTA-p (Overseas Country and Territory Association), tassalu nunat nunallu immikkoortuisa immat illuatungaaniittut, nunanut  EU-mut ilaasortaasunut atasut suliniaqatigiiffiata aaqqissuussaraa. Suliniaqatigiiffimmut nunat 22t ilaasortaapput, taakkununnga Kalaallit Nunaat ilaalluni. OCTA-mut ilaasortat assigiinngitsorujussuugaluarlutik amerlasuunik assigiinnik unammilligassaqarput. Tamatuma kingunerisaanik nukissiuuteqarnermi misilittakkanik avitseqatigiinnissamut periarfissaqarluarput:

- OCTA-mut ilaasortat tamarmik qeqertaapput, amerlasuullu avinngarusimasuniipput. Silap pissusiata allannguutaanut malussajasuuvugut, uatsinnillu amerlasuut ulluinnarni inuunitsinni artorsaatigalugit misigisareerpagut. Nukissiuutit mingutsitsinngitsut silap pissusiata allannguutaasa sunniutiginerlutaasa annikillisinnissaannut aqqutissaapput, Mala Høy Kúko ataatsimeersuarnermi erseqqissaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat