​​​​​​​- Uummannami innuttaasunut oqariartuutissaq ajoraluartumik tassaavoq, imeq uuliaqartoq misissuinerit takutikkaat, taamaammallunajoqqarneqassanngilaq. Aamma uffarnermi, kigutigissarnermi, errorsinermi allatulluunniit atorneqassanngilaq. Nukissiorfinni pisortaqarfiup allatoqarfiani pisortaq Sune Tougaard, taama oqarpoq.

Nukissiorfiit Uummannami imeq pillugu nalunaarutitik tunuartikkaat

Uummannami imeq uffarnermut, erruinermut errorsinermullu atorneqarsinaasoq Nukissiorfiit marlungornalli nalunaarput, taamali nalunaarneq maanna tunuartippaat.

Uummannarmiut imermik minguitsumik septembarip ulluisa 19-ianniilli pilersorneqarsinnaasimanngillat, imermillu minguitsumik pilersorneqalernissartik utaqqimaaqqaalaartariaqassavaat.

Nukissiorfimmi aqutsisoqarnermi allatseqarfimmi pisortaq Sune Tougaard taama oqarpoq:

- Uummannami innuttaasunut oqariartuutissaq ajoraluartumik tassaavoq, imeq uuliaqartoq misissuinerit takutikkaat, taamaammallu najoqqarneqassanngilaq. Aamma uffarnermi, kigutigissarnermi, errorsinermi allatulluunniit atorneqassanngilaq. Taava imeq perusuersareernermi assaat asattorneranut atorneqarsinnaasoq, nunatta nakorsaarnerata innersuussutigaa. Imeq aamma perusuersarfiit asattornerannut atorneqarsinnaavoq. Sune Tougaard, Nukissiorfimmeersoq, taama oqarpoq.

AAMMA ATUARUK Uummannami imeqarfik minguerukkaluartoq kuuffimmit suli imertoqarsinnaanngilaq

 

Uummannami innuttaasut imeq uffarnermut, erruinermut atisanillu errorsinermut atorsinnaagaat, Nukissiorfiit sapaatip-akunnerata siuliani marlunngornermi nalunaarutigigaluarpaat, tamannali maanna utertittariaqalerpaat.

 

Nalunaarutit assigiinngiiaartut 

Erngup kuuffinneersup imerneqaqqissinnaalernera, Nukissiorfiit ippassaq unnukkut nalunaarutigigaluarpaat, tamannali tassa ilumuunngilaq.

Sune Tougaard nassuiaavoq:

- Tassa erngup imeqarfimmiittup taavalu aamma inuit angerlarsimaffiini kuuffinniittup akuerineqarnissaanut atugassanik misissugassanik tigusisarpugut. Imermiillu imeqarfimmeersumik ippassaq misissuinivut pitsaasumik inerneqarput. Taamaammat imeq imeqarfimmeersoq najoqqarneqarsinnaasoq kisianni angerlarsimaffinni kuuffinniittoq najoqqarneqarsinnaanngitsoq, ippassaq oqarpugut, Nukissiorfinneersoq oqarpoq nangillunilu:

- Ullumili misissukkamit akerlerluinnaanik akissutisivugut, tassalu imeq najoqqarneqarsinnaanngitsoq. Taamaammallu ullumi nalunaarupput utertittariaqarparput, Sune Tougaard taama oqarpoq

AAMMA ATUARUK Peter Grønvold Uummannameersoq: Taama nalaataqariataarneq sakkortoorujussuuvoq

Imeq mingutsinneqarsimanngitsoq illoqarfimmi sumiiffinni assigiinngitsuni qulingiluani aaneqarsinnaasoq Nukissiorfiit nalunaarutigaat, atuarfimmi utoqqaallu illuanni ilaatigut aallertoqarsinnaalluni.

Imerli qaqugu pissusissamisut atorneqaqqissinnaalissanersoq, Nukissiorfiit oqaatigisinnaanngikkallarpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat