Norge tapiissuteqarniarpoq
Norgemi ministeriuneq Jens Stoltenberg tusagassiortunik katersortitsinermi ima oqarpoq:
- Naalakkersuisoqarfinni qaartartumeerinikkut toqutaasut aamma Utøyami toqoraanermi toqutaasut taarsiiffigineqartussaapput, maannalu tapiissuteqarnitsigut nalorninartorsiortoqarnera iliuuseqarfigaarput.
Taassuma ilanngullugu oqaatigaa, peqqarniisaartoqarneratigut toqutaasut qimataannit peqataaffigineqartumik nuna tamakkerlugu eqqaaniaasoqarnissaa suliarineqaleruttortoq.
Piffissami qaninnerusumi nuna tamakkerlugu Oslomi eqqaaniaasoqarnissaanut atatillugu angalanernut aningaasartuutit aamma naalagaaffimmit akilerneqassapput. Tamatuma saniatigut naalakkersuisut allaffeqarfianni sulisunut eqqaaniaalluni aamma katersuuttoqarniarpoq.
Juulip 22-anni peqqarniisaarnikkut saassussinermik misissueqqissaartussanik ataatsimiititaliortoqarnissaa aamma isumaqatigiissutigineqarpoq. Matumani pineqarluni ataatsimiititaliaq sumulluunniit attuumassuteqanngitsoq imminerisaminik allaffeqarfilik.
