Ritzau Politikki

Norge: Suiaqatinoortut oqaluffimmi katinnissaat akuerineqarpoq

Katititsinermilu ileqquusuni suiaaqatigiit katissinnaalernissaannut malittarisassanik allannguuteqarnissaq, oqaluffiup isumalioqatigiissitaasa ataatsimeersuarneranni aallartitanit 115-init 88-it akueralugu ullumi qinerpaat.

Allattoq Inge S. Rasmussen

apriilip 11-at 2016 13:27

Nutserisoq Connie Fontain

Norgemi ilagiit sinniisaasa ataatsimeersuarneranni januarimi 2017-imi pisussami katititsinermi ileqquusut isummerfigineqassapput. Norgemi ilagiit sinniisaat oqaluffinnik aqutsinermi qaffasinnerpaapput.

Aamma atuaruk Suiaqatinoortut oqaluffimmi katissinnaalissanersut Norgemi isummerfigileraat

- Katititsinermi ileqquusunut maannakkut atuuttunut, arnamik angummillu katititsinermiit, qinnussinermiillu suiaaqatigiit katittarnissaannut ileqquusussanik aappariinnut tamanut atorneqarsinnaasussanik tapiliussassaqartoq, Norgemi ilagiit sinniisaasa sapaatip akunnerata naanerani eqqartuineranni amerlanerussuteqartut isumaqarput.

Apeqqummik suliarinnittut ataatsimiititaliaannik ilaasortanit 23-iusunit 15-it siunnersuummut tapersersuisooreerput.

Aamma atuaruk Qulaarpaa Suiaqatinoortuuneq: Assuarisaanermit akuerisaanermut

Suiaaqatigiilli katissinnaanissaat itinerusumik misissorneqaqqaartariaqartoq, ataatsimiitiliami ilaasortat arfineq pingasut siunnersuutigaat.
Tamatuma meeqqanut sunniutigisinnaasai, ilagiillu ilaqutariit pillugit aalajanngersagaanut kingunerluutigisinnaasaasa ukkatarineqarnissaat ikinnerusussuteqartut kissaatigisimavaat.
Upernaaq 2014-imi norgemi ilagiit sinniisaat suiaaqatigiit katitinneqarsinnaanissaannut naaggaarput, ukiarmili ilagiit sinniisaannut qinersisoqareersorlu suiaaqatigiit katissinnaanissaat amerlanerussuteqartunit akuerineqarpoq.

Aamma atuaruk AKUERINEQARPOQ Suiaqatiminoortut oqaluffimmi katissinnaalerput meeqqallu annersarneqaqqusaajunnaarput