Norge aalisarneq pillugu isumaqatigiissuteqarfigineqartoq
Isumaqatigiissut kalaallit norskit imartaanni 2015-imi aalisarnissaannut aamma norskit kalaallit imartaanni aalisarnissaannut tunngaviussaaq.
Isumaqatigiissut Kalaallit Nunaata aamma Norgep aalisarneq pillugu isumaqatigiissutaannik juunip 9-anni 1992-imeersumit tunngaveqarpoq.
AAMMA ATUARUK Norgemut aalisarneq pillugu ukiumoortumik isumaqatigiissut inissinneqarpoq
Aalisarneq pillugu 2015-imut atassuteqaqatigiinneq pillugu Kalaallit Nunaata aamma Norgep akornanni isumaqatigiinniarnerit atorfilittanit Københavnimi decembarip 9-anni 10-annilu 2014-imi ingerlanneqarput.
Biologit innersuussutaat pissutigalugu Norgep ikerinnarsiortunik suluppaagartassai 750 tonsit isumaqatigiissummit peerneqarput. Norgellu suluppaakkanik immap naqqasiortunik pisassai 200 tonsinik kiisalu qaleralinnik pisassai 225 tonsinik 2014-imut sanilliullugit amerlineqarlutik. Kalaallit saarullittassaat, kullerertassaat kiisalu sejerertassaat 2014-imut sanilliullugit allannguuteqassanngillat, biologit innersuussutaat naak ikileriaraluartut.
Isumaqatigiissut naammagisimaarluaraat
- Norgemut 2015-imut isumaqatigiissut naammagisimaarluarneqarpoq kiisalu Kalaallit Nunaannut aamma naleqarluarluni, Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortaq Emanuel Rosing oqarpoq.
Norgemut isumaqatigiissut Naalakkersuisunut nutaanut inaarutaasumik kingusinnerusukkut isummerfigisassanngorlugu saqqummiunneqassaaq.
2015-imut isumaqatigiissummut ilassut pillugu tabeli, 2006-imit ukiumoortumik isumaqatigiissummut ilassutit kisitsisaannut sanilliullugu tonsinngorlugit:
Nuna | Suuneri | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 |
Kalaallit Nunaat Norgemi | Saarulliit Barents-havemi | 1.800 | 1.620 | 1.625 | 1.625 | 2.150 | 2.150
| 3.200 | 3.500 | 3.500 | 3.500 |
| Kullerit Barents-havemi | 300 | 300 | 360 | 360 | 630 | 630 | 1.050 | 1.050 | 900 | 900 |
| Sejit Barents-havemi | 850 | 850 | 800 | 730 | 1.000 | 1.000 | 1.000 | 1.000 | 700 | 700 |
| Pisarisuukkat 62oN avannaani | 150 | 150 | 150 | 260 | 260 | 260 | 260 | 260 | 260 | 260 |
| Sejit 62°N kujataani | 925 | 925 | 925 | 925 | 0 | 0 | 0 | 0 | 0 | 0 |
| Pisarisuukkat 62°N kujataani | 100 | 100 | 100 | 110 | 0 | 0 | 0 | 0 | 0 | 0 |
Norge Kalaallit Nunaanni | Qalerallit Kitaani | 650 | 650 | 650 | 700 | 900 | 900 | 900 | 900 | 900 | 900 |
| Qalerallit Tunumi | 425 | 425 | 425 | 375 | 275 | 275 | 275 | 275 | 275 | 500 |
| Suluppaakkat ikerinnarsior-tut Tunumi | 600 | 442 | 600 | 600 | 300 | 300 | 1.500 | 1.800 | 750 | 0 |
| Nataarnat Tunu | 335 | 324 | 250 | 235 | 235 | 235 | 160 | 160 | 160 | 160 |
| Saarulliit Kitaa/Tunu | 625 | 625 | 750 | 750 | *750 | *750 | *750 | *750 | *750 | *1.200 |
| Suluppaakkat naqqasiortut | 100 | 100 | 100 | 100 | 100 | 400 | 400 | 400 | 600 | 800 |
| Pisarisuukkat | 150 | 150 | 150 | 150 | 150 | 150 | 150 | 150 | 150 | 150 |
