Norgemut aalisarneq pillugu ukiumoortumik isumaqatigiissut inissinneqarpoq
Atorfilittat Københavnimi sapaatit-akunnerat kingulleq ataatsimeeqatigiinneranni isumaqatigiittoqarpoq. Ukiormanna aalisagartassiissutitigineqartut ikinnerulaaraluartut isumaqatigiissutaasoq nunanit marluusunit naammagisimaarneqarpoq.
Biologit siunnersuinerat pissutigalugu aalisagartassani amerlanerni illuatungeriinni ikilisitsisoqarsimavoq. Kisiannili Kalaallit norskit imartaanni saarullinniarnerat 3.500 tonsini inissisimaannarpoq norskillu suluppaakkanik immap naqqasiortunik pisassaat 200 tonsinik amerlineqassallutik aammalu 2013-imut tunngatillugu saarulliit 450 tonsinik amerlineqassallutik. Illuatungerissaanillu norskit suluppaakkat ikerinnarsiortut pisassaat 1.050 tonsinik ikilisinneqarput. Kalaallit kullerertassaat kiisalu sej-ertassaat 150 tonsinik kiisalu 3000 tonsinik ikilisinneqarput.
