Seqininnguaq nersornaaserneqartoq

Nuummi Seqininnguaq Qitura Lynge Poulsen Nordik Pioneer Prize 2021-mik nersornaaserneqaqqammerpoq.

AAMMA ATUARUK Nipilersortartoq Neriusaarlu kulturilerisunut nersornaasiuttakkamik tunineqartut

Nersornaat inuusuttunut immikkut ittumik qunusuissuseqarlutik naligiissitaanissamik ataqqinninnermut tatiginninnermullu nunani avannarlerni suliniuteqarsimasunut tunniunneqartarpoq. 

- Inunnik nakkarsaasunut akerliliineq tamattalu inuttut assigiinngissusitta akuerineqarnerulernissaa suliniutiginissaa pisariaqarpoq, tamattami assigiinngeqaluta ataqqinassuseqaratta, qanorluunniit pisoqaraluarpat, uangami aamma inuttut kinaassusima ilagiinnarpaat ulluinnarsiutigivaralu tamanna. Tamatta maaneeqqusaavugut. Nersornaat pigitikkusuppara nunap inoqqaavisa inuusuttortaanut tamanut, sulimi sorsuttoqarmat kinaassusertik akuerineqarnissaa pisinnaatitaaffigalugu, Seqininnguaq Qitura Lynge Poulsen tusagassiuutinut nalunaaruteqarluni taama oqarpoq.

AAMMA ATUARUK Hans Egede malunnartinneqassanngitsoq: Sianiilliornerullunilu eqqortuliorneruvoq

Seqininnguaq Qitura Lynge Poulsen eqqumiitsuliortuuvoq aamma nunat inoqqaavisa isumaanik siaruarteriniartuulluni.

Nunasiaataajunnaarsitsiniaanermi tarnikkut peqqissuseq, ilinniartitaanissarlu ukiuni kingullerni suliniuteqarfigisimavaa. 

Nersornaat, 25.000 koruuninik aningaasartaqartoq, Nuna Avannarlerni inuusuttunut 15-init 25-nut ukiulinnut sisamanut tunniunneqartarpoq.

Seqininnguaq Qitura Lynge Poulsen tarnikkut nappaatillit suiaqatiminoortartullu sinnerlugit suliniuteqarnini pillugu Namminersorlutik Oqartussat inuiattut ullorsiornitsinni kulturikkut nersornaasiineranni aamma kajumissaaserneqarpoq.