Assi: DR P1

3900 Nuuk Niviaq Nuummiullu allat illoqarfimminnik ilisarititsinerat tusarnaaruk, imm. 4

Radiokkut aallakaatitassiami decembarip 24-ata tungaanut ullut tamaasa ammaasassaagut, Niviaq Korneliussenip juullimut ammartakkami "3900 Nuuk"-mi Nuummiuiit pillugit ilisarititsisassalluni.

4:24 - Maasi

Rappertartoq, Prussicimi ilaasoq, Maasi Nuummi najugaqarpoq. Kalaallit inuusuttaasa 2000-ikkut aallartilaarneranni taalliaat alanngaarlugit atortarnikuuaat. Qaqugu anersaassanerlutik, oqaatsit suut eqquinerussammata naqissusissanerlugit nalunngilaat.

Atiat, Prussic, tassaavoq toqunartut ilaasa aqqa, taannatullu angerlarsimaffippassuarni kusanarniartuni ajortumik siaruarterivoq; angajoqqaat ilinniarsimasut piviusunik takunnikkusunngitsut; imerajuttut meeqqaminnik inuunerminnillu soqutiginninngitsut. Meeqqat tamarmik, kisimiinngikkaluarunilluunniit, oqaatigerusuttakkatik Prussicikkut taalliaat aqqutigalugit oqaatigaat.

Ullut tamaasa, akunnerit tamaasa, illoqarfinni nunaqarfinnilu tamani radiokkut appinneqartarput. Unitsinneqarsinnaanngillat. Inuusuttut unnukkut toqqorterlutik oqaatigerusutatik iikkanut allattorpaat.

Maanna Prussiceerunnikuuvoq. Maasi ullumi Nuummi najugaqarpoq Ilisimatusarfimmilu tusagassiortunngorniaalluni. Maasip Nuussuarmi najugaani, pingasunik initalimmi nuliani meeqqanilu marluk ilagaugit najugaani, naapipparput.

Aallakaatitsivimmiipput: Niviaq Korneliussen (atuakkiortoq). Peqataasoq: Maasi Pedersen. Aaqqissuisuupput: Emil Rothstein Christensen aamma Mikkel Rønnau.

KNR Radio ullut tamaasa juullimut ammartakkanik sisamanik aallakaatitsisassaaq:

Nal. 7.20 Serrat

Nal. 7.30 Inersimasunut ammartagaq

Nal. 7.45 3900 Nuuk

Nal. 9.07 Hitlistip juullimut ammartagaa

 

Uku unnukkut aallakaateqqinneqartassapput:

Nal. 19.12 Serrat

Nal. 18.32 Inersimasunut ammartagaq

Nal. 18.45 3900 Nuuk

 

 

 

Immikkoortut aallakaateriikkat DR-ip nittartagaani tusarnaarsinnaavatit imaluunniit 3900 Nuuk podcastitut tusarnaarsinnaavat.

 

Soorlumi aamma "Inersimasunut Ammartagaq" KNR-ip nittartagaani maani tusarnaarneqarsinnaasoq aamma podcastitut tusarnaarneqarsinnaalluni.

 

Aamma takuuk knr.gl/juulli

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl