Ikiaroornartut pillugit misissuineq inatsisitigut ajornannginnerulertikkusukkaa
![Naalakkersuisoq for uddannelse Nivi Olsen](/sites/default/files/styles/image_934x467/public/article_images/nivi_olsen_5.jpg?itok=VIQmCf-B)
- Imarsiornermik ilinniarfiup iliuuserisimasaa atorfilittannut misissortippara, ikiaroornartumik misissuisarnerup inatsisitigut ajornannginnerulersinnaanera. Taamaalillugu ajornartorsiut siusinaartumik ikiorsiisinnaaniassagatta, Nivi Olsen oqarpoq, ilanngullugulu oqarluni ikiaroortartut paasiniaaffiginissaat ajornakusoortoq, inatsisitigut illersugaanerat pissutigalugu.
Ilinniartullu ikiaroornartumik atuisartuunersut paasiniarnerini quup akoqassusianik misissuineq ilaatigut ammatillugu.
Ilinniartullu ikiaroornartumik atuinerat Nunatsinni qanoq ajornartorsiutaatiginersoq paasiniarnissaa, Nivi Olsenip pingaartippaa.
Ilinniartummi akornanni ikiaroornartoq qanoq ajornartorsiutaatiginersoq ullumi ilisimaneqaqqissaanngilaq.
- Ilinniarfeqarfinni siornatigut misissorneqarnikuunngilaq. Taamaattumik ilinniartut akornanni ajornartorsiut qanoq annertutiginersoq pillugu kisitsisiuteqanngilagut, Nivi Olsen oqarpoq.
Paasisalli tunngaviullutik ilinniarfinninngaanniit anisitaasorpassuaqarnavianngitsoq, Nivi Olsen aamma oqarpoq.
Tassami ilinniartoq ikiaroortartuuneranik paasinnittoqarsimatillugu ilinniarfimmit toqqaannartumik anisitsineq, naalakkersuisup iluarinngilaa.
Illuatungaanilli ilinniartut ikiaroortartut inuunerminni ingerlariaqqissinnaanissaannut ikiorneqassasut, Nivi Olsen isumaqarpoq.
- Ikiaroornartumik atuisunik siusinaartumik nassaarneq kinguneqassaaq, periarfissiillunilu ikiaroornartumik atuiunnaarnissamik ikiorneqarnissamik, ilinniartitaanermut naalakkersuisoq Nivi Olsen oqarpoq.