Niels Thomsenip partiini qimappaa

Demokraatit politikkikkut oqaaseqartartuata, Niels Thomsenip, politikki kisiat qimanngilaa, aammali partii qimappaa. Taassumalu erseqqissarpaa partiimi isumaqatigiinngittarnerit politikkimit tunuarnerminut peqqutaanngitsoq.

Niels Thomsen Halibut Greenlandimi, illoqarfimmi angerlarsimaffigisaminiittumi, decembarip qiteqqunnerani pisortanngussaaq.

- Ilaquttakka, pingaarnertut meeqqakka, annerusumik piffissaqarfiginerorusullugit aalajangersimavunga, soorunalimi aamma atorfik immikkuullarissoq soqutiginarluinnarsimavoq, Inatsisartuni ilaasortaajunnalersoq Niels Thomsen taama oqarpoq.

Niels Thomsenip politikkimit tuniarnera pivoq ilaatigut taassuma partiip siulittaasua Jens B. Frederiksen Naalakkersuisunilu ilaasortaqataa Palle Christiansen, sakkortuumik upissuttaareeraai, taakkua marluk oqaatigigamigit, partiip politikkiata anguniarnissaannit qinersisartuinillu politikkikkut atuuffitik soqutiginerugaat.

Niels Thomsenili maanna oqarpoq, oqqannerit, ilaatigut ivigaasalinni arsaattarfinnut tunngasut, tunuarnerminut peqqutaanngitsut.

- Isumaqanngilanga tamakku aalajangerninnut peqqutaasut. Inatsisartuni ilaasortaanini isumaqarpunga sulinera pimoorulluarsimallugu, qineqqusaaqqaarama anguniakkakka pimoorullugit suliarisimavakka, eqqarsaatikka nukikkalu  ullut tamaasa tassaniitissimavakka, taamaattumik isumaqarpunga tarrarsuutikkut imminut qiviarluarsinnaallunga.

Niels Thomsen Demokraatinit ukiortaamiit ilaasortaajunnassaaq.

- Politikkikkut arlaannaanulluunniit attuumassuteqartutut ingerlariaqqinnissara takorluunngilara, Niels Thomsen politikeritut tunuartoq taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat