Niels Thomsen politikeritut unippoq
Niels Thomsen decembarip 15-iat aallarnerfigalugu Halibut Greenlandimi pisortatut atorfinippoq, tamannalu peqqutigaluguInatsisartuni ilaasortatut unissaaq. Tamatuma kinguneranik ilaquttani Ilulissanut alliartorfigisimasaminut nooqatigissagai Demokraatit tusagassiorfinnut nalunaarutaanni oqaatigineqarpoq.
Niels Thomsenip politikkimit tuniarnera pivoq ilaatigut taassuma partiip siulittaasua Jens B. Frederiksen Naalakkersuisunilu ilaasortaqataa Palle Christiansen, sakkortuumik upissutaareerai, taakkua marluk oqaatigigamigit, partiip politikkiata anguniarnissaannit qinersisartuinillu politikkikkut atuuffitik soqutiginerugaat.
Niels Thomsen ukiaanerani ataatsimiinermi iluatsitsinngitsoorpoq, illoqarfinni anginerni pingasuni ivigaasalinnit arsaattarfiliornissamik siunnersuutaa assortuussutaasoq parteeqataasa akerlerimmassuk. Aalajangerneq taanna pakatsissutigalugu inuttaata isertuutinngilaa.
Politikkimit tunuarnissamik aalajangerneq inuttaanut ualimut itisilertinnaraluaratsigu iluatsinngilarput. Partiimili assortuunneq tusagassiutinut oqatsimik ataatsimilluunniit eqqaaneqanngilaq.
− Uanga silarsuanni pisortaajutingalunga politikeritut ingerlasinnaanngilanga. Atorfinni taamaattuni annerpaamik naammassisaqassagaanni atorfik tamakkiisumik paarisariaqarpoq. Naatsumik oqaatigalugu politikeritut taamaasillungalu Inatsisartuni ilaasortatut tunuarninnut tamanna tunngaviuvoq, Niels Thomsen oqarpoq.
Erseqqissarpaa inuutissarsiummik allamik ingerlatsinialernini sivisuumik eqqarsaatigisimallugu.
− Arnaatiga uangalu piffissami sivisuumi Ilulissanut uternissarput kissaatigisarsimavarput ilaquttagut qalliumallugit. Tamatuma saniatigut isumaqarpunga, Halibut Greenlandimi pisortatut atorfeqarnissara suliassaasoq unamminartoq uannullu naaggaagassaanngitsoq. Halibut Greenlandip piunerata takutippaa iluanaarniarluni niuerneq maani nunami aamma ingerlanneqarsinnaasoq, ingerlaatsimilu tassani uanga suleqataarusuppunga, Niels Thomsen oqarpoq.
Niels Thomsenip tunuarnera Demokraatit siulittaasuata Jens B. Frederiksenip uggora, aappaatigullu paasilluarsinnaavaa taamatut aalajangermat.
− Nielsi qinersiserpassuaqarpoq, taamaattumik qularnaappoq qinerneqaqqikkumaarsimassagaluartoq Inatsisartunut sassaqqissimasuuguni. Demokraatillu qinersinerup kingorna naalakkersuisoqatigiinni suleqataaqqissagaluarpata, Nielsip Naalakkersuisunngornissaa ilimanarluinnaqqissaarpoq. Tamanna tunngavigalugu isumaqarpunga aalajangernera torrallaasoq. Kisiannili soorunami uggoreqaara Nielsi gruppitsinniikkunnaassammat. Pikkorilluinnaqqissaarluni tusagassiutini innuttaasullu akornanni Demokraatit nittarsaattarsimavai, tamannalu qujassutigeqaara, Jens B. Frederiksen oqarpoq.
