New Yorkimi qulimiguulik illup qalianut nakkartoq
Qulimiguulik ataasinngornermi nakkarmat siallingaatsiarsimasoq, New Yorkimi qatserisartoqarfik nalunaaruteqartoq tusagassiorfiit arlallit allaaseraat.
Allanik ajutoortoqarsimanersoq suli ilisimatitsissutigineqarsinnaanngitsoq, New Yorkimi politiit CNBC-mut ilisimatitsissutigaat.
Qatserisartulli ilisimatitsissutigaat, timmisartortartoq ajunaarsimasoq.
New Yorkimi guvernøri, Andrew Cuomo CNN-imut oqarpoq, qulimiguulimmi aquttoq kisimiissimasoq.
Siallernera pissutigalugu qulimiguulik nakkarsimanersoq suli ilisimaneqanngilaq. nakkarfiusumili qatserisartorpassuaqarpoq illullu qalia ikuallakkunnaareersimalluni.
Qulimiguulik nakkareersorlu, præsidenti Donald Trump pisoq pillugu ilisimatinneqarpoq - pisorlu qanimut malinnaaffigineqartoq præsidentip illorsuanit ilisimatitsissutigineqarpoq.