Nerisassanik Facebookikkut tuniniaaneq inerteqqutaasoq
Nittartakkatigut attaveqaqatigiittarfitsigut nerisassanik tuniniaasoqartarnera, nunatsinni Uumasunut Nakorsaqarnermut Inuussutissalerinermullu Oqartussat maluginiaraluttuinnarpaat. Inatsisilli malinniaraanni tamanna eqqortuliornerunngilaq.
Allattoq Kenneth Elkjær
juunip 05-at 2018 13:14
Nutserisoq Connie Fontain
Sushit, kaagit, poorlut neqillu. Facebookimi tuniniaaviusartuni soorlu Køb-Salg-Bytte Nuuk-mi Kalaalimineerniarfik-milu nerisassat tuniniarneqartartut ilaat tamakkuupput.
Inuinnartulli akuersissuteqarfigineqarsimanngikkaanni nerisassanik tuniniaaneq inerteqqutaavoq. Uumasunut Nakorsaqarnermut Inuussutissalerinermullu Oqartussat Naalakkersuisut nittartagaanni allapput:
- Suliffittut nerisassaleriffittut akuersissummik peqartinnani inuussutissarsiutigalugu nerisassanik suliarinninneq, toqqortaqarneq, ingerlassineq nioqquteqarnerlu inerteqqutaavoq, inatsimmut innersuussillutik allapput.
Nerisassanik nioqquteqartarusukkaanni Uumasunut Nakorsaqarnermut Inuussutissalerinermullu Oqartussanut qinnuteqartoqarsinnaavoq.
