Nathanielsen politikkeriujunnaalersoq

Naaja Nathanielsen, IA-mi ilaasortaasimasoq, ullumikkut soqutigineqaqaaq. Tasagassiorfiit oqaaseqartissallugu tulleriiaatiinnavipput. Tassami ullumikkut naggammik Inatsisartut ataatsimiinneranni ilaasortatut peqataavoq.

Meeqqanik sumiginnaaneq, meeqqat pissakilliortuunerat minnerunngitsumillu inuiaqatigiit ataatsimut isigalugit naligiinnginnerujussui allanngortikkusullugit ukiut arfineq-marluk matuma siorna Naaja Nathanielseni politikkerinngorsimavoq. 

Naaja Nathanielseni politikkerinngunngitsiarluni tarnip pissusiinik ilisimasalittut meeqqanut attuumassutilinnik suliaqarnerminut atatillugu siulersuisutut suliaqartarsimavoq.

- Taamani inuiaqatigiit ajornartorsiutaannik eqqartuinissaq qunugineqartut ippoq, Naaja Nathanielsen KNR-imut oqarpoq. 
Taamariarmat meeqqat pissakilliortut pillugit oqallissaariniarluni suliniuteqarniarluni aalajangersimavoq. Tamatumalu kingunerisaanik politikkimut pulasimalluni. 

Aamma atuaruk Naaja Nathanielsen Aningaasaqarnermut Ataatsimiititaliami siulittaasunngorpoq

Naaja Nathanielsen politikkeriunermini nuannarineqartuaannanngilaq. Tamatumunnga sakkortuumik uparuaasinnaanera kisimi pissutaanngilaq aammali inuttut qanoq ittuunera pissutaasimalluni.

Nuummiuuvunga, arnaallunga qallunaatullu oqaaseqartuullunga. Taamaammallu isummat nuannarineqarpallaanngitsut tunngavigalugit maluginiarneqartarlunga, Nathanielseni erseqqissaanngikkaluarluni oqarpoq.
- Inuiaqatigiinni innuttaasunut isumassorneqarpallaanngitsunut sinniisutut inissisimanikuuvunga, Naaja Nathanielsen nassuiaavoq.   

Sunniuteqarniarneq unammillernartoq

Naaja Nathanielsen politikkeriunermini unammilligassaqartarsimalluni unnersiorpoq. Suliniullu ataaseq tulluusimaarutigisani eqqaamalluarpaa. 

- Siulersuisuni arnat angutillu naligiinnerulernissaannik inatsiseqalernissaq iluatsinnikuunera nuannaarutigaara. Anguniarnerani tamaviaarnarnikooqaaq, akerliusoqaqimmammi, Naaja Nathanielsen KNR-imut oqaluttuarpoq. 
- Ataatsimut isigalugu neriuppunga oqallinnernik oqaloqatigiinnernillu oqimaassinnaasunik aallarneeqataasimassasunga, Nathanielsen erseqqissaanngikkaluarluni oqarpoq. 

Aniartortoq

Oqaatigineqartutut meeqqanik inuusuttuaqqanillu sumiginnaaneq, pissakilliorneq naligiinnginnerujussuarlu allanngortikkusullugit politikkerinngorpoq. 
Aperineqaramili inuiaqatigiinni sunniuteqarsimasutut imminut nalilerusunnersoq mianersorpaluttumik akivoq.
- Inuk ataaseq kisimiilluni inuiaqatigiit allanngortissinnaanngilai. Taamaattorli neriuppunga Inatsisartuni ilaasortaqatikka peqatigalugit sunniuteqaqataasimassallunga, Nathanielsen oqarpoq. 

Naaja Nathanielsen naggammik Inatsisartut oqaluttarfiannit oqalugiarnissani eqqumiikkunartillugu Facebookimini oqaluttuarpoq. Taamaattorli tunuarnissani aaliangiusimallugu oqariartuuteqarluni. 

- Inuiaqatigiinni allannguinissaq suleqatigiinnikkut kisimi pisinnaavoq. 

Naaja Nathanialsen politikeriujunnaarniarluni aaliangernera Inuit Ataqatigiinnit anineranik pissuteqarpoq. Taassuma partii ilaasortaaffigisaraluani isumaqatigiunnaaraluttuinnarsimavaa.

Aamma atuaruk IA: Attaviitsup tusarneqarnissani amigaatigaa

 

Sulili politikkeritut suliassaqarpoq. 
- Ataasinngorpat Naalakkersuisunut §37-i naapertorlugu apeqquteqaasiorlunga aallarteqqissaanga. Qaammallu sinnera allaffiga qimannissaanut piareersarujuussallunga, Naaja Nathanielsen oqarpoq.

 

Ukiut arfineq-marluk politikkeritut sulereerluni aasaru mobiilini qamillugu sulinngiffeqarnissaminut qilanaarluni Naaja Nathanielsen unnersiorpoq.  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat