Naaja Nathanielsen Aningaasaqarnermut Ataatsimiititaliami siulittaasunngorpoq
Inatsisartunut ilaasortaq, Akitsinnguaq Olsen Siumumut nuummat, Inuit Ataqatigiit sinnerlugu Inatsisartunut ilaasortaq, Naaja Nathanielsen Inatsisartut Aningaasaqarnermut Ataatsimiititaliaanni siulittaasunngorpoq.
Allattoq Bikki P. Kleist
oktobarip 12-at 2009 09:50
Naaja Nathanielsen 34-nik ukioqartoq ataatsimiititaliamut pingaaruteqartumut Naalakkersuisunit innersuunneqarpoq. Ataatsimiititaliamilu Ataatsimiititaliami siulittaasup tulliatut Demokraatineersoq Niels Thomsen toqqaqqinneqarpoq.
Inuit Ataqatigiit sinnerlugit Inatsisartunut ilaasortap, Aqqaluaq Egedep Hans Aronsen taarserpaa, taamaalilluni Aningaasaqarnermut Ataatsimiititaliami ilaasortaalerput, Finn Karlsen, Atassut aamma Per Berthelsen, Siumut.
Naaja Nathanielsen tarnip pissusaanik ilisimasalittut ilinniagaqarsimavoq, Inatsisartunilu juunip aappaanni qinersisoqarmat qinigaarngaarpoq.
