Nanoq Kangaatsiamut qanillattortoq pisarineqartoq

Nannup taamatut illoqarfimmut appakaannera Kangaatsiarmiuaqqanut tupannarsimavoq, pisorli aamma ilinniarfiusimalluni:

- Tupannalaarpoq illoqarfitta iluaniissimammat unnuaammat. Taama qanitsigisinnaasimaneranut tupappugut. Taamaattumik qujanarpoq pisarineqartoq, Marie Joelsen Jeremiassen, Kangaatsiameersoq, oqarpoq.

Nanoq illoqarfiup heliportiata meeqqeriviullu eqqaani ullaap tungaani nalunaaqutaq qulit missaanni aallaaneqarpoq.

Nannullu aallaaneqarnera Kangaatsiarmiunit ussagarneqartoq, Marie Joelsen Jeremiassenip oqaatigaa:

- Meeqqat, meeqqerivimmiinngaanniit igalaakkut nanoq pisarineqartoq isiginnaarsimavaat, taavalu aqqarnera malinnaavigisimavaat. Meeqqat ilanngui aamma tupassimapput aamma ilai tupigusullutik tiguartillutik pisimapput aamma, Marie Joelsen Jeremiassen oqarpoq.

Illoqarfiullu qiterpasissuani nannuttoqarnera illoqarfimmi innuttaasunut tupinnarsimaqaaq:

- Pinngortitalerinermi atuartitakka iluatseqqinnaavillugu isiginnaarparput pilannerat, taavalu attorlugu misissorlugu. Tigulluartorujuuarput, nuannappugut, Kangaatsiarmiu Marie Joelsen Jeremiassen oqarpoq.