Nannut amerlanerusut nunatta kitaanukartalersut
Nannut nunatta kitaata kujasissortaaniittut pillugit ukiut tamaasa tusagaqartarpugut.
Nuup eqqaani Akiani poorskikkut nalaanni nannup tumai apummi takuneqarput.
Pinngortitaleriffimmi immikkoortortaqarfiup aqutsisua, Fernando Ugarte oqarpoq.
- Assimiittut suussusersisinnaanerikka allaffigineqarlunga aperineqarpunga. Nannullu tumerigai tassani takusinnaavara.
AAMMA ATUARUK Tre isbjørne kan dufte torsk ved Napasoq: De overvåges og skræmmes væk
Fernando Ugartep oqarnera naapertorlugu nannut Paamiut, Nuup Maniitsullu akornannut takkutikulanerulerput.
- Sumiiffinni taakkunani nannunik 2009 sioqqullugu qaqutigutigut siumuisoqartarpoq, tamatumali kingorna nanumik ukiumut naammattuuisoqartarluni, Fernando Ugarte oqarpoq.
Foto: Malene M. Nielsen
Nannut siornatigut aallaaneqartartut
Naak nannut 30-nit amerlanerusut nunatta kujataata kippasissuani 2009-imit maannamut aallaaneqarnikuugaluartut nannuttassiissutit sukanganerulernerat nannut amerliartornerannut atassuteqartoq, Fernando Ugarte naliliivoq.
Nannummi illoqarfinnut soorlu Nuummut Maniitsumullu apuutinngitsulluunniit aallaaneqareersimasaraluarput, nannulli ukiumut qanoq amerlatigisut pisarineqarsinnaanissaannut 2006-imi killiliisoqarpoq.
Nannut kimmut suneriammi toqunneqarsimasut misissorneqarnerisa nannut peqqissuusut takutippaat.
AAMMA ATUARUK Nunatsinni nannut 79-it 2007-imiilli toqunneqarsimasut
Nannullu aallaaneqarnerminnik aniguigaangamik nunatta avannaanut ingerlaarajuttarput.
- Nannut takusagut amerlasuut avannamut Avannaata Imaanut Ikersuaq Davisimullu imaani sikoqarfiusumut nanoqarfiusumullu ingerlaatarput, Fernando Ugarte oqarpoq.
Ukiualuilli matuma siorna nanoq Nuup Kangerluani ukiiniarluni aalajangerpoq, pisassiissuteqartoqarnissaanullu puisinik uumassuteqareerluni aallaaneqarpoq.
Nanumik naammattuuinissamut piareersimagit
Naak Nunatta kitaani nanumik naammattuueratarnissaq ilimanarpianngikkaluartoq pinngortitamukarnermi nanumut qunutitsissutaasinnaasumik atortorissaaruteqarnissaq isumatsialaavoq.
AAMMA ATUARUK Nannup tumerisinnaasaa Nuup eqqaani siumorneqartoq
- Angalaarnermi assersuutigalugu Nuummi qoorortooqarnissaq isumatsialaavoq, kisianni aamma kalerrisaarinermut aallaasit allallu nipiliortartut nanumut qunutitsissutaasinnaapput, Fernando Ugarte siunnersuivoq.
Nannuttassiissutit ukioq manna 156-iupput.
Pisassiissutit uumassusilerisut siunnersuinerat tunngavigalugu politikkikkut aalajangerneqarpoq.
