Nannunit pisunit tunisassiornerup inerteqqutaalernerat kingusigineqartoq

Avammut tunisassiornerup inerteqqutaalernissaa atuutilerpoq, Danmarkip taamatut peqquneqarnera aallaavigalugu,Thor Hjarsen isumaqarpoq. Danmarkimi orpipassuaqarnermut Pinngortitamullu nakkutilliisoqarfiup ukiuni arlalinni ilisimasimavaa, Kalallit Nunaanni uumasut piniarneqartartut ikiliartornerat, taammaattorli piniakkanit eqqussuisinnaanermut akuersissutinik tunniussisarsimavoq, uumasut piniarneqartartut ikiliartornerat tusaanngitsuusarlugu, uumasut pillugi ilisimasalik Thor Hjarsen allappoq.

Pinngortitaleriffik siorna decemberip qaammataani nannut amerlassussaannik naliliinermik saqqummiussivoq. Naliliineq taanna aallaavigalugu Danmarkimi orpipassuaqarnermut Pinngortitamullu nakkutilliisoqafik nannunit pisunit tunisassiornerup inerteqqutaalernissaanik atuutsitsilertariaqarsimavoq.

Namminersornerullutik Oqartussat Thor Hjarsenimit isornartorsiorneqangaangatsiarput.

Tamanna pillugu piniarneq pillugu isumasioqatigiinnermi eqqaaneqanngilaq.

Piniartut oqartussaasunit uukapaatinneqarput aatsaallu taamatut pineqanngillat.

Piniarnermut pisassiisarnerit kingusissukkut atuutilerput, kingusinaarlutik, Thor Hjarsen isornarsiuteqarluni allagaqarnini naggaserpaa

Thor Hjarsenip isornartorsiuilluni allagaqarnera aallagaavigalugu Pinngortitamut avatangiisinullu pisortaqarfimmi allaffimi pisortaq Alfred Jakobsen oqaaseqartipparput tassumalu inerteqquteqalernissamut suna tuaviuunneqassanersoq sunalu sanilliullugu inerteqquteqalernissap atuutilersaa oqaatigisinnaannginerarpaa