Namminersorneq pillugu taasisitsineqassaaq ukioq 2009

Nunatta namminersulernissaa pillugu taasisitsinissaq ukioq 2009-imi pissaaq, taamatut naliliivoq Siumut polikikkut oqaaseqartittagaa Lars-Emil Johansen, KNR-ip nittartagaani politikkikkut apeqquteqaateqarfiani akissuteqarnermini.

”Isumaqarpunga nunarput namminersulernissaminut piariissasoq, nunatta inuisa taasitinneqarnermikkut tamanna aalajangiuppassuk. Nunatta namminersuleriartornerani alloriarneq tulleq pissaaq namminersorneq eqqunneqarpat, qularnanngitsumik 2009-mi Lars-Emil Johansen taamatut allappoq, nangillunilu, Namminersorneq pillugu inatsisissamut siunnersuut, namminersorneq pillugu ataatsimiititaliarsuarmit maannakkut ilusilersorneqartoq, taasisitsissutigineqarpat akuerineqarlunilu, qularnanngitsumik ukioq 2009-ip aallartisimalernerani..

Danmark-imiit tapiissutit nunatta aningaasaqarniarnernikkut ineriartortitsineranut ikilisikkiartuaartinneqassapput, aatsitassarsiornikkut siunissamilu uuliasiornermit isertitatigut Lars-Emil Johansen allappoq, isertittallu aningaasaateqarfimmut inissinneqartariaqartut.

Nunarput namminersulerpat, nuanqarfiit pillugit nutaamik eqqarsartartoqartariaqalersoq Lars-Emil Johasen allappoq.

"Isumaqarpunga nunaqarfiit ikilisinnissaat ammaffigisariaqaripput, soorlu nunaqarfiit ilaasa kattussinnaanissaat eqqarsaatigalugu."

Ilanngullugu Lars-Emil Johansen allappoq, nunatsinni ineriartortitsiffiusunik pilersitsinissaq pitsaasuussasoq, taamaalillutik nunatta ineriartorneranut 'qimuttuusinnaaniassammata’ Lars-Emil Johansen allapppoq.

Nittartagarput allakkarsinnaavat, dobbelt w-it pingasut naggat knr naggat gl titarneq uingasoq toorukku, tassanilu atuarsinnaavatit Lars-Emil Johasensen-imut apeqqutigineqartut ilaatigut angallanneq EU akillu assigiikkunnaarsinneqarnerat pillugu akissutigineqartut. Aqagu ataaasinngornermiit, sapaatillu akunnerata tullia tamaat Politikkeri apeqquteqarfigineqarsinnaasoq tassaassaq Partiit Kattusseqatigiit siulittaasuat inatsisartunilu ilaasortaatitaa Anthon Frederiksen.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat