Portørit sulinerminnik unitsitsiniarnerat SIK-p nuannarinngilaa
Isornartorsiuneq SIK-ip siulittaasuata paasisinnaalluarpaa, neriuutigalugulu isumaqatiginniarnerit sapaatip akunnerata tulliani aallarteqqissinnaassasut.
- Taamaattumik neriuutigaara ulluni qaninnerni immaqaluunniit sapaatip akunnerata tulliata aallartinnerani isumaqatiginiarnerit aallarteqqissinnaanngussasut, SIK-ip siulittaasua oqarpoq.
Jess G. Berthelsenip nalunaarutigaa, isumaqatigiissut portørinut aamma atuuttoq marsip ulluisa 31-anni 2018-mi atorunnaartoq.
Portørit sulinerminnut atatillugu isumaqatigiissutinut akerliusumik sulinerminnik unitsitsiniarnerat Jess G. Berthelsenip nuannarinngilaa, aaqqiissutissamillu nassaarnissaq siunertaralugu sisamanngornerup ingerlanerani portørit oqaloqatiginiarpai.
AAMMA ATUARUK Portørit tallimanngorpat sulinerminnik unitsitsigallarniartut
Isumaqatiginniarnerit uninnganerat angusaqartoqarsimannginnerlu portørit naammaginngilaat.
Dronning Ingridip napparsimmavissuani portørit ilaat KNR-imut oqarpoq, isumaqatiginniarnerit iluatsissimannginnerat pillugu SIK kattuffittut portørinut tulluartuunersut isumaliutigineqartoq.
Taannali pillugu Jess G. Berthelsen annerusumik oqaaseqanngilaq. Namminersorlutillu Oqartussat akisussaasuusut taanna isumaqarpoq.
- Namminersorlutik Oqartussani aningaasivianut matuersaat pinngitsaalillugu tigusinnaanngilarput,
taava aningaaasanik tigooqqaalluta, anigaasarsiassaannillu agguaasilluta, taama iliorsinnaanngilagut, taamaattumik maannakkut uteriissutigigipput, qaffasinnerusumik aningaasaleeqqullugit, isumaqatigiissuteqassagutta, SIK-ip siulittaasua Jess G. Berthelsen taama oqarpoq.
AAMMA ATUARUK Pisortat suliffeqarfiutaanni sulisut salliunneqarlik