Nammineerluni misissuutit akeqanngitsut sapaatini akunnerni marlunni oqallisaallutillu allaaserineqarput. Misissuutit 450.000-it nunatsinnut kommuninut tallimanut, peqqissaavinnut Pilersuisumullu maanna nassiunneqarput.Assi: KNR

Namminersorlutik Oqartussat misissuutinik akeqanngitsunik nassiussisoq: Usuup puuisa sanianut aaneqarsinnaapput

Nammineerluni misissuutit 450.000-it kommuninut, peqqissaavinnut Pilersuisumullu nassiunneqarput.

Nammineerluni misissuutit akeqanngitsut sapaatini akunnerni marlunni oqallisaallutillu allaaserineqarput. Misissuutit 450.000-it nunatsinnut kommuninut tallimanut, peqqissaavinnut Pilersuisumullu maanna nassiunneqarput.

Namminersorlutik Oqartussat nassiussisuupput.

Ima amerlatigisut kommuninut nammineq agguaassisussanut nassiunneqassapput


Kommune Kujalleq 540-t

Kommuneqarfik Sermersooq 1890-it

Qeqqata Kommunea 720-t

Kommune Qeqertalik 495-it

Avannaata Koomunea 855-it

Sukkasuumik misissuutit kommuninut nassiunneqartut kommunip nammineerluni atuarfinnut, ulluunerani paaqqutarinninnut utoqqaallu illuannut agguaatissavai.

Misissuutillu tamanut atuarfimmi, utoqqaat illuanni ulluuneranilu paaqqutarinniffinni misissortissinnaanngitsunut atorneqartussat.

Illoqarfinni peqqissaavinni napparsimmavinniluunniit misissornissamut atortussat saqqumisinneqassapput, taakkulu usuup puuinik akeqanngitsumik aallernissamut tunngaviusoq malillugu aaneqarsinnaassallutik.

- Usuup puui akeqanngitsut peqqinnissaqarfimmut aaneqarsinnaasarput, sukkasuumillu misissuutit aamma taama agguaanneqassapput, Corona pillugu aqutsisoqarfimmi siulittaasoq, Hans-Peder Barlach KNR-imut oqarpoq. 

Sukkasuumik misissuutit Nuummit poortoqqeriarlugit sinerissamut nassiunneqaqqittussat Kangerlussuarmit Nuummut nassiunneqarnissaannut maanna amerliartorput.

Illoqarfinni minnerusuni nunaqarfinnilu peqqissaaveqanngitsuni misissuutit Pilersuisup pisiniarfiinut nassiunneqassapput, taakkunani taava aallertoqarsinnaassalluni.

Sukkasuumik pilersuisumut agguaanneqartussat ima agguataarsimapput:

  • Ikerasaarsuk IKS (nunaqarfik) 1000-t
  • Akunnaaq (nunaqarfik) 500-t
  • Kitsissuarsuit (nunaqarfik) 500-t
  • Kangaatsiaq (nunaqarfik) 5000-t
  • Attu (nunaqarfik) 2000-t
  • Iginniarfik (nunaqarfik) 1000-t
  • Niaqornaarsuk (nunaqarfik) 2500-t
  • Ikamiut (nunaqarfik) 1000-t
  • Qasigiannguit (illoqarfik) 10500-t
  • Oqaatsut (nunaqarfik) 500-t
  • Qeqertaq (nunaqarfik) 1000-t
  • Saqqaq (nunaqarfik) 1500-t
  • Ilimanaq (nunaqarfik) 500-t
  • Qeqertarsuaq (nunaqarfik) 9000-t
  • Kangerluk (nunaqarfik) 500-t

Misissuinermi periuseq sapaatip akunnerani matumani allanngortinneqarpoq. Napparsimarululersut kisimik PCR-imik misissortissinnaalerput. Allat sinneri tamarmik angerlarsimaannasapput imminullu peqqisseqqittut nammineq nalunaarutigeqqikkumaarlutik.

Peqqinnissamut naalakkersuisuugallartoq, Mimi Karlsen (IA) ataasinngornermi tusagassiortunik katersortitsinermi ima oqarpoq:

- Oqariartuut pingaanerpaaq tassaavoq pingaaruteqarunnaarmat imminut misissornissaq imaluunniit napparsimmavimmut misissortikkiartornissaq. Coronaraanni imminullu paarisinnaalluni angerlarsimasariaqarpoq , taamaattumillu misissortinnissaq pisariaaruppoq. 

Taava sooruna Naalakkersuisut misissuutinik akeqanngitsunik nassiussisut?

- Inuit tunillatsissimanerlutik paaserusuttarmassut tamanna isumassaqarpoq. Nalunaaruteqarneq eqqortuuvoq, angerlarsimaannartoqassaaq, amerlasuulli ilumut tunillatsissimanerlutik paaserusuttarpaat, Hans-Peder Barlach oqarpoq.

- Sukkasuumik misissuutit periarfissaanissaat pingaarnerpaavoq. Misissuutilli nassiussatta amerlassusaat tunngavigalugu inuit ullormut imaluunniit sapaatip akunneranut ataaseriarlutik misissornissaannut naammassasut nalilerparput. Qanorli piumaneqartigissanersut naluarput. Naammanngippatali qinnutigeqqissavagut. 

AAMMA ATUARUK Sukkasuumik misissuutinut kukkuluttorneq: Naalakkersuisut oqaaseqanngilluinnarnerat illuatungiliuttut quarsaarutigaat

Peqqissaavinni, napparsimmavinni Pilersuisumilu sukkasuumik misissuutinik akeqanngitsunik peqalernissaa sukkasuumik misissuutit pillugit sapaatip akunnerata siuliani kukkuluttortoqarnerata kingorna aalajangerneqarpoq.

Ima amerlatigut napparsimmavinnut, peqqissaavinnut Pilersuisumullu nassiunneqassapput:
 

Kommune Kujalleq 6750-t

Kommuneqarfik Sermersooq 7000-t

Qeqqata Kommunia 7125-t

Kommune Qeqertalik 6750-t

Avannaata Koomunia 6750-t

Peqqinnissamut naalakkersuisuugallartup, Mimi Karlsenip (IA) kommunit nammineq misissuutinut 40 koruunilinnut akissaqanngitsunut kommunit agguaaanissaat oqaatigigaluarpaa.

Tamannali eqqortuunngitsoq paasinarsivoq. Kommunit inatsimmik malinnittussaanertik pissutigalugu suliassaq tamanna tigusinnaanngilaat.

KNR-ip misissuutit akeqanngitsut tusagassiortunik katersortitsinermi nalunaarutigineqannginneranni kommuninut sooq isumaqatigiissutigineqaqqaarsimannginnersut paasiniarlugu, Naalakkersuisut sapaatip akunnerata siuliani apersorniaraluarpai.

Peqqinnissamut naalakkersuisoq, Kirsten Fencker (Naleraq) uippakajaarnini pissutigalugu sulinngiffeqarallarpoq, naalakkersuisullu allat marluk tassa Mimi Karlsen (IA) aamma Pele Broberg (Naleraq) tassunga paarlattaapput.

KNR-ip taakku marluk apersorniaraluarpai, tamannali iluatsinngilaq.

Nunatsinni coronavirusi pillugu
killiffik

Uninngasut 0  
Toqusut 21  
Siullermik kapitissimasut 73%  
Aappassaa kapitissimasut 68%  
corona.nun.gl-imi kisitsit takukkit  
  Nutarterneqarpoq: 
  Apriilip 1-aat 14:00

corona_model_001.png

Nunatsinni coronavirusi pillugu

Coronavirusimik tunillatsinissaq pinaveersaaruk