Nammineq oqaatsitit atorlugit sullinneqarsinnaavutit
Kommuneqarfik Sermersuumi kommunalbestyrelsip kommunip oqaatsinut politikkissaa, immikkut ittumik oktobarip ulluisa 25-anni ataatsimiinnermini akuersissutigaa.
Innuttaasut inuiannit allaneersut namminneq oqaatsitik atorlugit kiffartuunneqarsinnaanerat pisassaaq tamanna periarfissaqarfigineqaraangat.
Innuttaasunik sullissinerup pitsaanerpaaffimminiitinnissaa Kommuneqarfik Sermersuup soqutigisaraa, tamannalu pissutigalugu sulisut oqaatsitigut piginnaasaasa ineriartortinneqarnissaat anguniarlugu. Kommuneqarfik Sermersuup nittartagaani tamanna atuarneqarsinnaavoq.
Sulisut kalaallisut, qallunaatut tuluttullu pikkorissarnissamik taamaattumik periarfissaqartut aamma oqaatigineqarpoq.
Kalaallit oqaluttuarisaanerannik, kulturiannik inuiaqatigiinnilu ingerlaasaat pillugit ilisimaarinnilernissaq anguniarlugu sulisut nutaat saqqummiivigineqarnissamik neqeroorfigineqartalissasut, kommunip oqaatsinut politikkiani aamma anguniarneqarpoq.
Kommuneqarfik Sermersuumi sulisut nutaat sulisutoqqallu siunissami tamakku pillugit oqalliseqatigiinnissamut aggersarneqartalernissaat aamma siunniunneqarpoq.
