Uummannami Peqqissaavik sissamiippoq, tassaarsuaqassagaluarpallu navianartorsiorfimmiilluni. Assi: Malik Brøns / KNR

Nakorsaq Uummannami Peqqissaavik pillugu: Pilersaaruteqarpugut

Qaqqaq nakkaasinnaasoq anginerpaaq tassaarsuartitsileraluarpat Uummannami Peqqissaavik mallinnit anguneqarnissaminut uloriarnartorsiorpoq. Taamaattoqassappat peqqissaavik timersortarfimmut nuunneqassasoq, nunap immikkoortuani nakorsaaneq oqarpoq.

Karrat Kangerluanni qaqqaq nakkaassinnaasoq ataatsikkut nakkaraluarpat inoqarfinni soorlu Qaarsuni Niaqornanilu malissuaqarnissaa aarlerisaarutaavoq.

Uummannami Peqqissaavik malissuarnit eqqorneqarsinnaasunut aarleqqutigineqartunut ilaavoq.

AAMMA ATUARUK Ujarassiooq Karrat Kangerluat pillugu: 2017-imi pisumit ajornerujussuusinnaavoq

Uummnnami innuttaasunik sisamanngormat ataatsimeeqateqartoqarmat peqqissaaviup taama inisseqqanera Uummannami najugalinnit arlalinnit toqqissisimanngissutaalluni apersuutigineqartarpoq.

Uummannami Peqqissaavik navianartorsiorfimmiippoq.

Politimesterip, Bjørn Tegner Bayip, apeqqut taanna peqqinnissaqarfiup tassaarsuaqassagaluarpat qanoq iliuusissamik pilersaarusiornissani nammineerluni akisussaaffigigaa akisarpoq.

Avannaani nunap immikkoortuuani nakorsaaneq, Peter Vedsted, upalugaarsimanermut pilersaaruteqartoq oqaluttuarpoq.

- Soorunami apeqqutaasorujussuuvoq ajunaarnersuaqarneranut kalerriineq. Taamaattoqarpat peqqinnissaqarfiup iluani ajunaarnersuaqarneranut nalunaarutiginnissaagut sulinissamullu piareerluta, taanna oqarpoq.

AAMMA ATUARUK Bea Petersen Qaarsunit nuukkusuttoq: Nilliasaat kalerrisaarut tusaasinnaanngilara

Taamaattoqassagaluarpallu sulisut illoqarfiup timersortarfianut, tassa tassaarsuarmit uloriarnartorsiortinneqanngitsumut sulinerat nuunneqassaaq.

- Piffissaq qaninnerusoq eqqarsaatigalugu pilersaaruteqarpugut, peqqissaavik navianartorsiulissappat pilersaarutaavoq peqqissaavimmi sullissinerit Uummannami timersortarfimmut nuunneqarnissaat.

- Taamaalilluta immamut qanittumiunngitsoq inissisimasumi sullissinerput ingerlassinnaassagatsigu.

 

Uummannami timersortarfik.

Nunap immikkoortuani avannaani peqqinnissaqarfik 2017-imili upalugaarsimanermut pilersaarummik annertusaasimavoq. Assersuutigalugu sulisut 40-it missaanniittut kassenik nakorsaatinik imalinnik piareersimasuuteqarput.

- Immikkut ittumik ikiorneqartariaqalissagutta, soorlu pisuni taamaattuni taamaattoqartartoq, taava Nuumminngaanniit ataqatigiissarneqassapput, sakkussanillu pisariaqartitanik Uummannamut nassiussillutik, nunap immikkoortuani avannaani nakorsaaneq, Peter Vedsted taama oqarpoq.

Taanna aamma oqarpoq, politikkikkut qinikkat akisussaaffigigaat peqqissaaviup maanna inissisimaffimminiiginnarnissaa allamulluunniiit nuunneqarnissaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat