Nakkutilliissummi qaartoorput

Umiarsuup nakkutilliissut Triton, Nunatta Island-illu akornanni angalatillugu iluani tallimanngormat qaartoqarmat, umiarsuup ikuallalernissaa annilaanngatigineqarsimagaluarpoq, umiarsuarmili qatserutaasut ikkusimareersut iluaqutaallutik, ikuallattoqanngitsoorpoq.

Umiarsuarmi nakkutilliisup misissuitilluni ajortoqartoq paasivaa, umiarsuullu maskiinai unitsinneqarput. Maskiinamik misisuinerup nalaani

maskiinaqarfik pujulersimavoq maskiinallu qamivinneqanngitsiarneranni qaartoorneq tassa pisimalluni. Umiarsuarmi ikuallattuulernermi atortut ajoqutitaqanngitsumik aallartissimapput, ikuallanerlu pinngitsoortinneqarluni.

Umiarsuarmi qatserisartut maskiinaqarfimmut pujoqisumut isersimapput, putsullu aniatinnissaa pinerullugu, matunik igalaanillu ammarterisimallutik.

Pisimasoq annilaarnaraluaqisoq ajornerusumik pisoqanngilaq.

- Aalaq uuliameersoq maskiinaqarfimmi qaarnertut ililluni anillassimavoq, annertunerusumik ulorianartorsiortitsinani. Qujanartumik sulisut maskiinaqarfimmiinnginnerisa nalaani qaartoqarpoq, Triton-imi orlogskaptajni Morten Hvilshøj oqarpoq.

Kangilinnguani sakkutooqarfik nalunaarpoq, ullualunnguit qaangiuppata Triton nakkutilleeqqilissasoq.