Ukiumi tulliuttumi ITK-p nunaqarfinni ataatsimiititsisinissaanut silap alanngoriartornera pillugu oqalliffiusussani aamma ilisimatuussutsikkut misissuinernik Inunnit siuttuuffigineqartunik siuarsaanermut atorneqartussanik Canadami naalakkersuisut 5 millionit koruuninik aningaasaliiniarput.Assi: The Inuit Tapiriit Kanatami

Naggueqativut Canadamiut silap allanngornera pillugu periusissiortut

Naggueqatitta Canadamiut silap allanngornera pillugu periusissiartik, the National Inuit Climate Change Strategy, Canadap siunissaa pillugu aalajangiisartunut suliqartartunullu tamanut saqqummiuteqqammerpaat.

Nuna tamakkerlugu Inuit suleqatigiiffiata, ITK-p, Inuit tungaanniit isigalugu silap allanngornera pillugu nuna tamakkerlugu periusissiartik qanoq iliortoqarsinnaaneranik qanorlu iliortoqartariaqarneranik imalik saqqummiuppaa.
Silap allanngornera Canadami Issittumik annertuumik sunniivoq, allanut naleqqiullugu annertunerusumik kiatsikkiartormat, tassa nunarsuarmi tamarmi agguaqatigiissillugu kiatsikkiartornermit pingasoriaammik sukkanerummat.

AAMMA ATUARUK Silap pissusia pillugu Nuummi akerliussutsimik takutsisut: Ajornartoorneq unitsilli!

Periusissiami erseqqissarneqarpoq silap allanngornera pillugu suliniutit PINNGITSOORNATIK pinngortitaq allanngoriartortoq pillugu inuit paasinnittaasiannik aallaaveqassasut. Allanngoriartornerit massakkut uagut inuit tamanit malinnaaffginerpaavavut. Taamaattumik periusissisiaq inuit ilisimasaannik tunngaveqartariaqarpoq taakkunanngalu siulersorneqarluni, periusissiap allarniutaani allassimavoq.

Tamanut saqqummiussinermi ITK-p siulittaasua Natan Obed oqarpoq Inuit pinngortitaq pillugu immikkorluinnaq isiginneriaaseqartut. Taassuma kinaassuserput, naleqartitavut, silarsuarmillu isiginneriaaserput ilusilerpai. Ilisimasatsinnut, eqqaamasatsinnut ilisimassutsitsinnullu pinngortitaq tunngaviuvoq, oqarpoq, erseqqissaallunilu:

AAMMA ATUARUK Silap pissusiata allanngoriartornera akiorniarneqartariaqarpoq

- Nunarsuaq tamakkerlugu silap pissusaata ajornartorsiutigineranut periusissiaq taanna Inuit qisuariarneraat. Silap pissusaa pillugu politikkip suliniutillu suliarineranni suliassaqarfimmut akoorusuppugut, inuit piginnatitaaffiit ilisimasaallu ataqqineqarpata, Natan Obed oqarpoq.

Ukiumi tulliuttumi ITK-p nunaqarfinni ataatsimiititsisinissaanut silap alanngoriartornera pillugu oqalliffiusussani aamma ilisimatuussutsikkut misissuinernik Inunnit siuttuuffigineqartunik siuarsaanermut atorneqartussanik Canadami naalakkersuisut 5 millionit koruuninik aningaasaliiniarput.

AAMMA ATUARUK Naalagaaffiit Peqatigiit: Pinngortitap innarlerneqarnera silap pissusiata allanngoriartorneratulli ajornartorsiutaatigaaq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat