ICC: - Naggueqatigiit Inuit visumeqaratik angalasinnaasariaqarput

Canadap Kalaallit Nunaatalu akornanni isumaqatigiissutigisap piviusunngortinnissaa anguniarlugu septemberimi ICC ataatsimiisitsivoq. Visumeqarani angalasinnaanissap atuutsinneqalernissaa ICC suliamullu suleqatigisaasa nunani naalakkersuisut atuuttunngortissagaat kaammattuutigaat.
Septemberimi ICC Pikialalorsuup aqunneqarnissaa pillugu aqutsivissamik pilersitsinissamut Canadami, Kalaallit Nunaanni naalakkersuisut peqataaffigisaannik aamma nunani taakkunani nunat inoqqaavisa suleqatigiiffii peqatigalugit aqqutissiuussinissamik isumasioqatigiipput. Ass.: Jokum Nielsen
Qilalukkat qernertat Kalaallit Nunaata eqqaani siammarsimaffiat. Ass.: NAMMCO
Allattoq Jokum Nielsen
oktobarip 09-at 2024 07:30

Nuummi septemberimi Inuit Circumpolar Council (ICC) ataatsimiinneranni naggueqatigiit Inuit suliniaqatigiiffiata allannguutissatut siunnersuutigisaanni ersarinnerpaaq tassaagunarpoq killeqarfiit akimorlugit visumeqarani angalasinnaanissaq.

- Visumeqarani qaqugumulluunniit nunat killeqarfigisaat apeqqutaatinnagit naggueqatigiit Inuit imartaminnut nunaminnullu atuisinnaanissaat siunnersuutigineqarpoq, Sara Olsvig ICC-mi siulittaasoq oqarpoq. 

Canadap Kalaallit Nunaatalu akornanni Pikialasorsuarmik aqutsiveqarfimmik ataatsimoorussamik pilersitsinissaq 2017-imi isumalioqatigiissitap kaammaattuutaannik tunngaveqarpoq. 

Pikialasorsuaq pillugu isumalioqatigiissitap 2017-imi kaammattuutigisai pingasuusut nunani naalakkersuisunit atuuttunngortinneqarnissaat ICC-ip anguniarpaa. Nuummi ataatsimiinnerup kingorna Canadami Kalaallit Nunaannilu naalakkersuisunut Pikialasorsuup aqutsiveqarfittut pilersinneqarnissaanut kaammattuutit 21-it nassiunneqarput.  

- Naalakkersuisunut kaammattuutit piviusunngortinneqarnissaat pillugit Canadami Kalaallit Nunaannilu naalakkersuisut suleqatigaagut. Canadami Kalaallit Nunaannilu naalakkersuisut suliap ingerlaqqinnissaa suliaraat ICC-miillu suliami ingerlariaqqippugut 2017-imi ICC-mit kaammattuutit piviusunngortinnissaat pillugit Sara Olsvig oqarpoq.   

Artikel 27

Naalagaaffiit Peqatigiit Nunat inoqqaavisa pisinnaatitaaffii pillugit nalunaarutaa 

Immikkoortoq 27 Naalagaaffiit pilersissavaat atortissallugillu, nunat inoqqaavi pineqartut peqatigalugit, pissusissat malillugit, arlaannulluunniit nakerisarsiunngitsumik ammasumik paasiuminartumillu ingerlatsineq nunat inoqqaavisa inatsisaannik, qangaaniit ilioriaasiinik, ileqquinik aamma nunamik pigisaqariaasiinik naapertuuttumik akuersissuteqarnissamut, nunat inoqqaavisa nammineq nunaminnut, nunanut najukkaminnut isumalluutiminnullu pisinnaatitaaffii akueriniarlugit eqqartuussisutigullu aalajangersaavigitinniarlugit, taakkununnga ilagitillugit qangaaniilli pigineqarsimasut imaluunniit allatigut najorneqarsimasut imaluunniit atorneqarsimasut. Nunat inoqqaavi pisinnatitaaffeqassapput taamatut ingerlatsinermi peqataassallutik.

Tigusiffik: Nunat Inoqqaavisa pisinnaatitaaffii pillugit Naalagaaffiit Peqatigiit nalunaarutaat.pdf (humanrights.gl)

Allisiguk

Nunat inoqqaavisa pisinnaatitaaffiisa pituttuisunut nikikkiartuaarnerat

Kaammattuutigineqartulli piviusunngorsinnaanerat qaqugu pisinnaassanersoq nalunarpoq. Sara Olsvig oqarpoq. 

- Una suliaq ukiuni qulini ingerlareersimalerpoq ilimagineqarsinnaavorlu suli sivisunerulersinnaasoq. Nunani tamalaani suliat piffissamik sivisuumik ingerlanneqartarput ingammillu eqqarsaatigigaanni nunat killeqarfii pineqartillugit.

2014-miilli Kalaallit Nunaanni innuttaasut marlunnik innuttaassuseqarsinnaapput USA-mi Canadamilu periarfissaq tamanna aamma atuuppoq. 

Naalagaaffiit Peqatigiit nunat inoqqaavisa pisinnaatitaffii pillugit nalunaarutaa-naak naalagaaffinnut pituttuinngikkaluarluni - naalagaaffinnut nunat inoqqaavisa pisinnaatitaaffiisa qulakkeernissaannut tikkuussisuuvoq.

Naalagaaffiit Peqatigiit ataatsimeersuarnerannit aalajangersakkat pituttuisutut inissisimanngikkaluartut nunani allani aamma nunat inoqqaavisa naalagaaffimmik pisinnaatitaaffiit pillugit isumaqatiginniartarneranni pisinnaatitaaffiit allanngortarnerat takornartaanngillat.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk

Inuit 87-init ikinnerunngitsut toqutaasimanngikkunik maqaasineqartut

Nannut inatsisartuni maanna oqallisaalerput. Nannuttassiissutit amerlineqarnissaat maanna kissaatigineqarpoq

Angut 100 gram hashimik 33 gram kokainimillu eqqusseriaraluartutut tigusarineqarpoq