Assi: KNR

Naggueqatigiit Inuit inuusuttaat ataatsimeersuarput

Canadama naggueqatigiit Inuit inuusuttaat 100-nit amerlanerusut Inuit Nunaannit tamaneersut Iqalunni ulluni tallimani kingullerni ataatsimeersuartinneqarput.

Naggueqatigiit Inuit inuusuttaasa siunnersuisoqatigiiffiat The National Inuit Youth Council ukioq manna ukiunik qulinngortorsiorpoq, iliuusissatullu pilersaarutit siunissamilu pingaarnertut anguniagassat ataatsimeersuarnermi eqqartorneqarput.

Inuusuttut siunnersuisoqatigiivisa præsidentertaavata Maatalii Okaliup CBC Newsimut oqaatigaa naggueqatigiit Inuit oqaasii kulturiallu nukittorsarneqarnissaat sulissutiginiarlugu.

Oqaatsit kulturilu oqaluuserineqartussatut ataatsimeersuarnermi pingaartinneqarput, imminulli toquttarneq, peqqissuseq ilinniartitaanerlu inuusuttut ataatsimeersuarnerminni aamma eqqartorpaat.

Maatalii Okalik ilanngullugu oqarpoq pingaaruteqartoq inuusuttut nunap immikkoortuini sisamaneersut, tassalu kitaani Inuialuit, Nunatsiavut, Nunavik aamma Nunavut suleqatigiinneq ilikkartariaqaraat. Naak nunap immikkoortuini sisamani assigiinngissuteqartoqaraluartoq, tamarmik naggueqatigiiupput Inuit ataatsimut anguniagaqartut, inuusuttut præsidentitaavat qinigaarlaaq taama oqarpoq.

Ulluni tallimani Iqalunni ataatsimiinneq, ataasinngornermi pinngortitami pisuttuaqatigiinnermik naggaserneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat