Naartuersittarnermut inerteqqut Irlandimi atorunnaarsinneqarpoq
Kisitsisit pisortatigoortumik saqqummersinneqartut ippassaq arfininngornermi tamanna takutippaat.
Taasisut 66 procentiisa naartuersittarneq inerteqqutaajunnaartikkusukkaat nutaarsiassaqartitsivik The irish Times allappoq. Illuatungaani 33 procentit inerteqqutaatiinnarusukkaaluarpaat.
Inuusuttut 18-nit 25-llu akornanni ukiullit 87 procentiisa naartuersittarnermut inatsit allanngortinnissaannut taasipput.
Una ukioq naatinnalugu inatsit allanngortinneqarnissaa ilimanaateqartoq Irlandip ministeriunerata oqaatigaa.
Naartuersittarnermullu akerliusut ajorsarnertik paasigaat oqaaseqartartuata oqaatigererpaa.
Irlandermiut naartuersittarnerup inerteqqutaaneranik atorunnaarsitsinerat katuullit oqaluffianut ajorsarnertut isigaa.
/ritzau/Reuters