Naalakkersuisut silap pissusaanut anguniassamik aallartisaapput
- Naalakkersuisut Kalaallit Nunaata minguinnerulernissaa angunialeruttorpaat, Avatangiisinut, Pinngortitamut Inatsisinillu Atuutsitsinermut Naalakkersuisoq Mala Høy Kúko oqarpoq.
Gassit silaannarmik kianneruleriartortitsisartunik aniatitsinerup annikillisinneqarnissaa silap pissusianut politikkimi anguniarneqarpoq, aniatitsinerup killilersorneqarnissaa pingaarnertut anguniarneqarluni, soorlu nukissiuuteqarnermi, ineqarnermi, assartuussinermi, nunalerinermi aalisarnermilu, kiisalu inuussutissarsiornermi aatsitassarsiornermilu suliat eqqarsaatigalugit silap pissusia pillugu suliniutit katersorneqassallutik:
- Naalakkersuisut silap pissusianut politikkimik, gassinik silap pissusianik kissatsitsisartunik killilersuinerit aalajangersimasut, anguniagaqarfiusut uuttorneqarsinnaasullu inuiaqatigiit aningaasaqarnikkut ineriartornerannut pisariaqartunut naleqqussarneqarnissaannut qulakkeeriffiusunik ineriartortitsissapput, Mala Høy Kúko oqarpoq.
Kalaallit Nunaata nukissiuuteqarnermi tamakkiisumik nukissiuutit mingutsitsinngitsut atorlugit imminut pilersulernissaa Naalakkersuisut takorluugaraat, nukissiuutillu ataavartut qanoq iliornikkut tunngavigineqarsinnaanersut Naalakkersuisunit misissorneqaleruttorluni.
- Nukissiuuteqarnermi nuna tamakkerlugu aaqqiissutissanik mingutsitsinngitsunik pitsaasunik nassaarniarluta sulivigut, Avatangiisinut naalakkersuisoq Mala Høy Kúko tusagassiuutinut nalunaarummi ilaatigut oqarpoq.