Naalakkersuisut sakkutuujusussaatitaanermut misilitsittarnerit unitsikkaat
Illersornissamut ministereqarfiup sakkutuujusussaatitaanermut misilitsittarnerit ukioq manna unitsikkallarpai.
Inuusuttut Illersornissaqarfimmut misilitsinninnissaannik periarfissaqartinniarlugit Illersornissaqarfik nunatsinnut ukiut tamaasa tikittaraluarpoq. Ukioq mannali tikissanngilaq.
Kalaalllit Nunaani sakkutuujusussaatitaanermut misilitsittarnerit ukiut tamaasa pisartoq unitsinneqarallarpoq, naalakkersuisut kissaateqarnerisa kingorna, illersornisssamut ministeri Trine Bramsen KNR-imut akissuteqarluni taama allappoq:
- Naalakkersuisut kissaateqarnerisa kingorna nammineq piumassutsimik sakkutuujusussaatitaanermut misilitsittarnerit 2021-mi unitsinneqarallarput, Trine Bramsen oqarpoq.
AAMMA ATUARUK Sakkutuunngorniarsinnaaneq corona peqqutaalluni aappaagumut kinguartinneqartoq
Taamaalillutik kalaallit inuusuttut illersornissaqarfimmut qinnuteqarusuttut Danmarkimukarlutik akuerisassanngortissinnaapput .
Sakkutuujusussaatitaanermut misilitsitsisinnaaneq nunatsinni inuusuttunit soqutigineqarluarpoq Illersornissamut ministeri oqarpoq, kalaallit inuusuttut 37-it 2018-miilli sukkutuujuunissaminnik isumaqatigiissuteqarput.
Aalajangiineq illuatungiliuttunik isornartorsiorneqartoq
Sakkutuujusussaatitaanermut misilitsittarnerit unitsikkallarneqarneqarput, inatsisartunit partiinit isornartorsiusoqarnerata kingorna.
Inatsisartuni partiinit arlalinnit isornartorsiorneqarpoq. Isornartorsiuisut ilagaat, Demokraatineersoq Anna Wangenheim:
- Isumaqarpunga uggornartorujussuusoq, siornatigut nunatsinni inuusuttortagut ilinniagaqalernissaannut taamanikkut neqeroorfigeriarlugit massakkullu illuatungerluinnaani ilisimatinneqarsinnaajunnaariasaarput ilumut ilinniagaqarnissaminnut aallartissinnaanerat. Taamaalillunilu nunatsinnut sunniuteqarluartussamut taamatut periarfissinneqarnissaminnut akissutissaqanngikkallarput maanna. Tamanna uggornartorujussuuvoq.
AAMMA ATUARUK Illersornissaqarfik illoqarfinnukalerunarpoq: Sakkutuunngorsinnaanerlutit misilitsigit
Sakkutuujusussaatitaanermut misillitsittarnerit unitsikkallartarnerat Siumumit ajusaarnaartinneqarpoq.
- Sakkutuujusussaatitaanermik ilinnialernissamut periarfissaqarunnaarnera uggornartuusoraara.
Doris J. Jensen Siumut, Inatsisartut nunanut allanut sillimaniarnermullu ataatsimiititaliap siulittaasuata tullia taama oqarpoq.
KNR-ip naalakkersuisoq, Pele Broberg misilitsissinnaanermut periarfissat unitsikkallarneqarneranut nassuiaateqartinniaraluarpaa. Tamannali iluatsinngilaq.