Naalakkersuisut qaleralittassiissutigerusutaat ilaasa iluarisimaaraat allat amerlagigaat
Naalakkersuisut Upernavimmi, Uummannami Qeqertarsuullu Tunuani sinerissamut qanittumi aappaagumut qaleralittassiissutigerutaat ukioq manna pisassiissutaasunit oqimaannerunatillu oqinnerunnginnissaat tusarniaassutini allaqqavoq.
AAMMA ATUARUK Naalakkersuisunngortoq: Uumassusilerituut aalisartullu siunnersuutigisaat naligiissaarlugit pisassiissuteqartoqassaaq
Tassa imaappoq, sumiiffinni taakkunani pingasuni katillugu 28.050 tons qaleralittassiissutigerusunneqarput, naak uumasorsiuut pinngortitaleriffimmeersut 16.438 tonsimik siunnersuigaluartut.
SQAPK: Nuanneq
Aalisartut kattuffianni, SQAPK-mi siulittaasup, Naalakkersuisut siunnerfiat, tassa aappaagu qaleralittassat ukioq manna pisassiissutaasutut oqimaaqatiginissaat iluarisimaarpaa.
Sumiiffinnimi taakkunani qaleralinniarneq ukiuni siuliini pisassaarunnermik uneqattaarfiusartoq, ukioq manna uneqattaarfiunngitsoq taanna oqarpoq.
Sustainable Fisheries Greenlandip ilaasortai:
Royal Greenland A/S
Polar Seafood Greenland A/S
KNAPK
Grønlands Erhverv
Arctic Prime Fisheries ApS
Ice Trawl Greenland A/S
Polar Seafood Trawl A/S
Qajaq Trawl A/S
Niisa Trawl A/S
Sikuaq Trawl A/S
Imartuneq A/S
Polar Raajat A/S
P/R Ocean Tiger
Arctic Prime Production ApS
Narsaq Seafood ApS
Kitaa Seafood ApS
Qaleraliq A/S
Sigguk A/S
Jens Sallings Fiskefabrik
Arsuk Food ApS
Polar Pelagic A/S
Pelagic Greenland A/S
Tusarfik: Sustainable Fisheries Greenland.
- Pisassiissutit nuannersut peqqinnartullu kalaallit nunatsinni atuuttariaqalermata, Niels Kristian Vetterlain KNR-mut oqarpoq.
AAMMA ATUARUK Naalakkersuisut qaleralittassiissutigerusutaat siunnersuinermit 70 procentimik oqimaannerusut
Sulisitsisulli peqatigiiffiat allaaneroqisumik isumaqarpoq.
- Tunngaviusumik isigingaanni pisassiissutitut siunnersuutaasut aqutsiveqarfinni pingasuusuni qaffasippallaarput, peqatigiiffik tusarniaanermi akissummini taama allappoq. Tamanna KNR-imit itisilertikkumagaluarparput, iluatsinnaguli.
Peqatigiiffik: Qaleralik millisarpoq
Peqatigiiffiup piujuaannartitsilluni aalisarnissamik kissaatillip, Sustainable Fisheries Greenlandip, pisassiissutigiumasat oqimaappallaartutut aamma nalilerpaat.
- Siunnersuineq malinnagu pisassiinerunerup kingunerissavaa qaleraleqassutsip ajorseriarsinnaanera. Qaleralik taama pisoqaraangat millikkajuttuuvoq taamaalippallu taava oqimaassuseq taanna aalisarniaraanni ilungersornarnerulluni, siulittaasoq, Lisbeth Due Schönemann-Paul, KNR-mut allappoq.
KNR-p paasissutissaatai naapertorlugit Naalakkersuisut aappaagumut qaleralittassiissutissamik oqimaassusissaannik aalajangeereerput. Taakkuali Naalakkersuisunit suli saqqummiunneqanngillat.