Naalakkersuisut Kuannersuit pillugit qaartartumeerinissamik siorasaarinermik tigusaqartut
- Qaartartumeerinissanik sakkulersornernillu imaqartunik, nunatta kujataani Kuannersuarnut suliniummut atatillugu tusarniaanernut atatillugu Naalakkersuisunut sammisunik, siorasaarutinik annguttoqarsimavoq.
Kuannersuarni aatsitassarsiorfik pillugu paasissutissat piviusut:
- Kuannersuit Narsap kilometerinik 7,5-inik ungasitsigisumi avannarpasissortaaniippoq.
- Aatsitassarsiorfik asimi 700 meterinik qutsitsigisumiipppoq.
- Greenland Mineralsip aatsitassarsiorfk ukiuni 37-ni piiaaffiginiarpaa.
- Aatsitassarsiorfiup piiaaffigineqarnerani nunaqavissunik 328-nik suliffissaqartitsisoqarsinnaassasoq naatsorsuutigineqarpoq.
- Aatsitassarsiorfik qaqutigoortunik ilaatigut uranimik thoriumimillu saffiugassaqarpoq.
- Aatsitassarsiorfik saffiugassiassamik ukiumut millionit tonsit pingasut missaannik piiaaffiusassaaq.
- Ukiuni 37-ni aatsitassarsiornermit sinnikut 111 millionit tonsiussapput qaarsorlu (qaarsumit piiarneqartumit sinnikut ) 111 millionit tonsiussalluni.
Tusarfik: Pinngortitaleriffik aamma Nationalt Center for Miljø og Energi, IPN-iliaq.
Inuussutissanut aatsitassanullu naalakkersuisoqarfik tusagassiuutinut nalunaarummi allappoq.
AAMMA ATUARUK Kuannersuit: Siumup innuttaasunut ataatsimiititsinerit kinguartikkusukkai
Innuttaasunut ataatsimiititsinissat kinguartinneqassanngillat.
- Nunap iluanut nunanullu allanut tikkuussissutigissallugu ajorpoq, politikkikkut sunniiniarnerit nakkuusernertigut toqutsinissamillu siorasaarinerit aqqutigalugit. Tamanna tv-iikkuinnaq takusaraluagarput, maanna Kalaallit Nunaanni atugaalerpoq, Jens-Frederik Nielsen tusagassiuutinut nalunaarummi allappoq.
- Piviusoq tamanna isiginiartariaqarpara imatut kinguneqartikkallarlugu, soorlu siullermeerutaasumik tusarniaatitsinerni nunatta kujataaniittuni peqataananga.
Greenland Mineralsip Namminersorlutik Oqartussani sulisut innuttaasunut ataatsimiititsinerit aallartissagaat
Siorasaarinerit pissutigalugit innuttaasunik ataatsimiinnerit sapaatit akunnerata tulliani februaarip ulluisa tallimaanni aallartippata Naalakkersuisut angerlarsimaannarnissartik aalajangerpaat.
Tassunga taarsiullugu Greenland Minerals oqartussaniillu inuit attuumassuteqartut innuttaasunut ataatsimiititsinermi peqataassapput:
- Taamaaliornermi una naliliineq aallaaviuvoq, navianartoqarsinnaanera inunnut politikkikkut suliaqartunut tunngammat, ingerlatseqatigiiffinni oqartussanilu suliaqartunut attuumanngimmat. Tamatuma saniatigut, isumannaatsumik peqqissaartumillu pisoqarniassammat, piffinni isumannaallisaanermut atatillugu naammattunik aaqqiisoqassaaq.
Siorasaarinerit pimoorussaarpasinngitsut
Naalakkersuisut innuttaasunut ataatsimiititsinermut qaqugu peqataassanersut Naalakkersuisut ingerlaavartumik nalilersussavaat, allamillu innuttaasunut ataatsimiititsinermik aaqqissuussillutik.
-Suliaq tusarniaanernut tunngasoq ingerlassaaq. Tamanna tamat oqatussaaqataanerisa inatsisinit illersugaasup ingerlanerivaa, kikkulluunniit suliamut isummersortissinnaatillugit. Ingerlaneq taamaattoq naqisimaneqanngisaannassaaq Jens-Frederik Nielsen.
AAMMA ATUARUK Immikkut ilisimasalik: Kuannersuit oqallisigineqarneranni Siumumi isumaqatigiinngingaatsiarnerit ersilerput
- Tusarniaanernut atatillugu ataatsimiinnerni amerlanerpaat paasissutissiiffigineqassapput, piiaaffiliorniarluni kissaateqarnermut atatillugu pissutsinut ataasiakkaanut tunngasunik. Tusarniaanernut atatillugu ataatsimiititsinerit Naalakkersuisut akuersaarnissaannut akuersaannginnissaannulluunnit aalajangiiffiunngillat.
Naalakkersuisoqarfik naapertorlugu siorasaarinerit pimoorussaarpasinngillat.
- Piffissamili kingullermi inuiaqatigiinni paasissutissat eqqunngitsut kissatsissimaarnerillu politikkimi peqataanernut atatillugu ima aalassatsisimatigipput, tamakku allaat inuiaqatigiinni toqqissisimajunnaartitsillutik, naalakkersuisoqarfik allappoq.
Innuttaasunut ataatsimiititsinissamut pissaliussat:
