Inatsit tunngaviusussamik suliaqartut inuit qanimut naapinniarunnaaraat
Inatsimmik tunngaviusussamik suliaqartut Innuttaasunik qanimut naapinnissaat naatsorsuutigineqassanngilaq.
Isumalioqatigiissittaq Facebookimi quppernermini paasissutissiivoq:
- Missingiuusiornermi naammassinissamut piffissarititaasup sivikippallaarnera Covid-19-ilu pissutaallutik suliamut tunngatillugu kinguaattoortoqarnikuunera pissutaapput.
Inatsit tunngaviusussaq pillugu Isumalioqatigiissitaq
- Nunatsinni namminerisamik tunngaviusumik inatsiseqarnissaq Inatsisartuni siullerpaamik 2007-imi qaqinneqarlunilu oqallisigineqarpoq.
- Ukiut qulingiluat qaangiuttut apeqqut qaqinneqaqqippoq, tassanilu Inatsisartunut aalajangigassatut siunnersuutigineqarluni. Nunatsinni inatsit tunngaviusoq pillugu isumalioqatigiissitaliornissaq taperserneqarpoq.
- Taamaammat Naalakkersuisut Tunngaviusumik Inatsisissaq pillugu Isumalioqatigiissitaq 2017-imi apriilip ulluisa 27-anni pilersippaat.
- Tunngaviusumik inatsimmik "kalaallit inuit kulturiannut, oqaasiinut, kinaassusaannullu tunngaveqartumik sinaakkusiisumillu" suliaqartoqassaaq.
- Siunnersuutit marluk tamanut tusarniaassutigineqassapput.
- Tunngaviusumik inatsisissatut siunnersuut pilersaarut malillugu naalakkersuisunut ukiut ataaseq qaangiuppat tunniunneqassaaq.
Paasissutissarsiffik: tunngavik.gl
Suliakkiut, isumalioqatigiissitap sulinerminni najoqqutassaa, Naalakkersuisut septembarip pingajuani nutarterpaat.
Taannalu siuliminit allaanerulluinnarpoq. Siulianimi allassimavoq: "Tunngaviusumik inatsisissaq pillugu Isumalioqatigiissitaq atuunnermini illoqarfinnut nunaqarfinnullu tamanut tikinnissamik anguniagaqassaaq." Taannali maanna peerneqarsimalerpoq.
AAMMA ATUARUK Kuupik Kleist tunngaviusumik inatsisissaq pillugu isumalioqatigiissitami siulittaasunngortoq
Isumasioqatigiisitap inuit nittartakkatigut attaveqatigiittarfii atornerulissavaat.
- Naak innuttaasut tikillugit peqataatitsisinnaanngikkaluarluta Inatsit tunngaviusussaq pillugu Isumalioqatigiissitat sulinerannut tunngasunik tamat oqallittarfiisigut nittartagarlu atorlugu paasititsiniaanissarput pingaartipparput maannalu tamanna piareersarneqaleruttorpoq, Kuupik V. Kleist oqarpoq. Taanna isumalioqatigiissitami siulittaasuuvoq.
Isumalioqatigiissitap tunngaviusumik inatsimmut missingiutini Naalakkersuisunut ukiup naanerani tunniutissavaa.
Inatsisartut aappaagu upernaakkut ataatsimiinneranni missingiut saqqummiunneqassalluni.
Innuttaasulli isumalioqatigiissitap suliani Namminersorlutik Oqartussanut tunniussimaleriarpagu oqaaseqarnissamut periarfissaqassapput. Isumalioqatigiissitammi suliartik tunniuppassuk, illoqarfiit nunaqarfiillu tamarmik tikinneqarnissaat pilersaarutaavoq.
AAMMA ATUARUK Tunngaviusumut inatsisissamut isumalioqatigiissitaq unittooqqasoq
Innuttaasulli isumalioqatigiissitap suliani Namminersorlutik Oqartussanut tunniussimaleriarpagu oqaaseqarnissamut periarfissaqassapput. Isumalioqatigiissitammi suliartik tunniuppassuk, illoqarfiit nunaqarfiillu tamarmik tikinneqarnissaat pilersaarutaavoq.
Naalakkersuisut isumalioqatigiissitamik, Kalaallit Nunaata namminiilivinnissaanut inatsit tunngaviusumik suliaqartussanik, 2017-imi pilersitsipput.
