Kikkut tamarmik imminut toquttarnermut pinaveersaartitsinerup ukkatarineqartinneranut unnugu nal. 20.00 igalaap saani naneruusernikkut peqataasinnaapput.

Naalakkersuisut: Imminut toqunnissamik pinaveersaartitsinermik ukkatarinnitsitseqataagit

Ullumi ulloq septembarip ulluisa qulingat imminut toqunnissamik pinaveersaartitsinermut nunarsuaq tamakkerlugu ulloritinneqarpoq, tamannalu nunatsinni aamma malunnartinneqarpoq.

Ullumi ulloq imminut toquttoqartarnerata imminullu toqunnissamut pinaveersaartitsinermut ukkatarinnitsitsinikkut nunarsuaq tamakkerlugu malunnartinneqarpoq.

Namminersorlutik Oqartussat suliniutaat

 

Kalaallit Nunaanni politiit 2019-imut kisitsisitigut naatsorsueqqissaarnerat naapertorlugu inuit 45-t ukioq taanna imminut toqupput.

 

Inuit 79-it imminut toqoriaraluarput, politiillu imminut toqunnissamik siorasaaruteqarneq pillugu 977-inik nalunaaruteqarfigineqarlutik.

 

Namminersorlutik Oqartussat oqarasuaatitigut siunnersuisarfik Tusaannga siorna februaarip ulluisa aallaqqaataani ammarpaat.

 

Oqarasuaat ikiorneqarnissamik pisariaqartitsisunut pitsaanerusumik sullissinissaq anguniarneqarpoq.

 

Ikiorneqarnissamik oqaloqateqarnissamilluunniit pisariaqartitsiguit Tusaannga oqarasuaammut 801180-imut SMS-ikkulluunniit 1899-imut attaveqarsinnaavutit.

Tamanna nunatsinni aamma malunnartinneqarpoq. Kikkut tamarmik imminut toquttarnermut pinaveersaartitsinerup ukkatarineqartinneranut unnugu nal. 20.00 igalaap saani naneruusernikkut peqataasinnaapput.

AAMMA ATUARUK Tusaannga ullormut arfineq-pingasunit saaffigineqartartoq

Naalakkersuisut tusagassiuutinut taama paasissutissiipput. Ullumi ulloq nunatsinni sumiiffinni assigiinngitsuni aaqqissuussisoqarneratigut aamma malunnartinneqarpoq.

Inuiaqatigiinni ajornartorsiutaasoq

Nunarsuaq tamakkerlugu inunni ukioqqortussutsini tamani toqqutigineqarnerpaasartuni 20-ni imminut toquttarneq ilaavoq. Imminut toquttoqartarnera nunatsinni inuiaqatigiinni aamma ajornartorsiutaangaatsiartoq, Naalakkersuisut tusagassiuutinut nalunaarummi allapput. Taakkulu Kalaallit Nunaanni Politiit 2019-imut kisitsisitigut ukiumoortumik naatsorsueqqissaarnerat innersuussutigaat, taanna naapertorlugu inuit 45-t ukioq taanna imminut toqupput.

- Misigissutsit oqimaatsut aamma taarsiornermi eqqarsaatit pillugit ammarnissaq aamma oqalussinnaanissaq oqitsuinnaanngilaq. Kisianni uagut inuttut ikioqqussagutta imaluunniit allanik ikiuunniarutta taanna siuariaatissaavoq, sapiissuseqarnissarlu amerlanertigut pisariaqartarluni.

Isumaginninnermut, ilaqutariinnut Inatsisinillu atuutsitsinermut Naalakkersuisoq, Martha Abelsen oqarpoq, itisiliillunilu:

AAMMA ATUARUK Suliniutissatut pilersaarutip nutaap imminut toquttarneq pinaveersaartissavaa

- Ammasumik periuseqarneq, soqutiginninneq aamma najuunneq inuup inuuneranik allannguinissamut aamma imminut toqunnissamik pinaveersaartitsinermut aqqummi alloriarnerupput siulliit. Ulloq 10. septembari ulluuvoq, imminut toqussimasunut, imminut toqoriaraluarsimasunut aamma imminut toqunniarluni eqqarsaateqarnermut atasunik paasissutissiilluta aamma paquminartitsiunnaarnissatsinnik malunnartitsiffiusussaq.

Periusissiaq nutaaq

Naalakkersuisut imminut toqunnissamik pinaveersaartitsinissamut nutaamik periusissiorlutik paasissutissiissutigaat.

Periusissiami nutaami imminut toqunnissamik pinaveersaartitsinermut suliniutit inuiaqatigiinni pisut pisariaqartinneqartullu aallaavigalugit annertusarnissaat ukkatarineqassaaq. Taamaammat Naalakkersuisut inuiaqatigiinnut ornigulluni inuusuttut utoqqaanerusullu tarnikkut peqqinnerulernissap anguniarnissaanut qanoq sulinissamut naliliinerannik isumassarsiaannillu tusarniaassapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat