Assi: Alanah Heffez/Flickr Creative Commons

Canada Suliniutissatut pilersaarutip nutaap imminut toquttarneq pinaveersaartissavaa

Canadami nunap inoqqaavisa akornanni imminut toquttoqartarneq iliuuseqarfiginiarlugu inatsisartut iliuusissamik nutaamik ujartuipput.

Canadami inatsisartut inatsisissatut siunnersuut naggueqatigiit inuit, inidianerit Métisillu akornanni imminut toquttarneq pinaveersaartinniarlugu nuna tamakkerlugu iliuusissamik ineriartortitsisussaq ataatsimut isumaqatigiillutik akueraat.

Inatsisissatut siunnersuut inatsisartunut ilaasortap, Ontariomeersup, Charlie Angusip qinigaaffimmini inuusuttut qassiiusut imminut toqunnerat pissutigalugu siunnersuutigaa.

Inatsisissatut siunnersuutip akuerineqarnerata kingunerisaanik imminut toquttoqartarneranut nuna tamakkerlugu iliuusissamik ujartuisoqassaaq, taanna kulturimut naleqquttumik iliuusissiornermut pisariaqartunut isumalluutinut pilersaarutinullu tapersiissutaassaaq.

Nunap inoqqaavisa inuusuttortaasa akornanni imminut toquttut canadamiunut allanut sanilliullugit quleriaammik amerlanerupput, tamannalu siaruartutut isigineqarluni.

Iliuusissaq nutaaq naggueqatigiit inuit, indianerit Métisillu peqatigiiffiisa suleqatiginerisigut suliarineqassaaq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat