Naalakkersuisut coronavirusimut paasissutissiineq pitsanngorsarniaraat
Nunatsinni amerlanerpaat kalaallisut oqaluttuupput. Nualluulli coronavirusi pillugu kalaallisut paasissutissat amigartut, Sofia Geisler, isumaqarpoq.
- Innuttaasut pisariaqartitaat tassaavoq, takusinnaasakka naapertorlugit, kalaallisut oqaatsit atorlugit paasitinneqarnissaq aammalu ernumassutigisanut apeqqutinik apuussiffissaqarnissaq, Sofia Geisler oqarpoq.
Inuit internetikkut attaveqaqatigiiffiitigut paasissutissat eqqortuaannanngitsut atuarneqartartut, taakkualu oqartussanit paasissutissanit saqquminerussasut aarlerinarsinnaasoq, Sofia Geislerip erseqqissaatigaa.
- Italiami nunap ilai Emilia-Romagna, Lombardiet, Piemonte Venetolu
- Irani tamarmi
- Kina (Hong Kong, Macau Taiwanilu minillugit)
- Korea Kujallermi nunap immikkoortua Gyeongbuk tassanilu illoqarfissuaq Daegu
Tusarfik: Nunatta tunillaassortunik nappaalasoqarneranut ataatsimiititaliarsua, Danmarkimi peqqissutsimut aqutsisoqarfik
AAMMA ATUARUK Innuttaasut coronavirus ernummatigaat: Amiilaarnaqaaq
Aamma nualluutip nunatsinni tuniluutilernissaa ilimanartoq oqartoqareertoq, taassuma eqqaasitsissutigaa.
- Taamaattoqarneranilu atorfissaqartitassarput tassaavoq, maannalu atorfissaqartitarput, siuttut ersarissumik avammut nalunaaruteqartarnissaat, Sofia Geisler oqarpoq.
Kalaallisulli paasissutissarpassuaqartoq, peqqissutsimut naalakkersuisoq, Martha Abelsen Nunatta Nakorsaaneqarfiata nittartagaanut innersuussilluni oqarpoq. Nittartagarli takussaanngippallaarsimasoq nassuerutigaa.
AAMMA ATUARUK Atassut corona, nikanarsaaneq Fleischerilu pillugit: Naak nunatta siuttua?
- Taassuma siammarterneqarnera, imaluunniit nittarsaanneqarnera annikissimasoq paasivara, Martha Abelsen oqarpoq.
Nittartakkallu saqqumisimanerunissaa maanna sulissutigigitsik naalakkersuisoq oqarpoq.
- NUN, tassa Nunatta Nakorsaaneqarfiata quppersagaa, corunamut tunngasoqqissaanik katersuiviuvoq. Taassumalu ersarinnerulertittariaqarlugu tamanit iserfigiinnavillugu takuneqarsinnaanngorlugu annertusarnissaa ullaaq manna (Tallimanngornermi aaqq.) aalajangiupparput, Martha Abelsen oqarpoq.
AAMMA ATUARUK Coronavirus nunatsinni nappaatinut uloriarnartunut allattorsimaffimmiilersoq
Innuttaasullu nualluut pillugu arlaannik apeqqutissaqarunik e-mailikkut saaffiginnissinnaasut, Martha Abelsen oqarpoq.
- Nunatta Nakorsaaneqarfiata quppersagaani mailikkut attaveqartoqartuaannaavittoqarpoq, mailikkullu saaffiginnittut akineqartuaannaavipput. Allamik nutaamik ammaanata taassuma pitsanngorsarnissaa ullaaq manna aalajangiupparput, Martha Abelsen oqarpoq.
