VIDEO Naalakkersuisut aappaagumiit akitsuusersuinissaq siunniuppaat

Nunarput aningaasarliorpoq, aningaasaqarnerlu annaanniarlugu Naalakkersuisut aappaagumiit akitsuusersuinissaq siunniukkaat Aningaasaqarnermut Naalakkersuisup Anda Uldumip marlunngormat saqqummiuppaa.

Akitsuutitigummi akileraarutitigullu 96,5 millionit koruunit isertinneqassapput. Imaappoq inuk ataaseq agguaqatigiissillugu ukiumut 1.800 koruunit tungaanut akiliinerusalissaaq.

Akitsuuserniakkallu sorpiaaneri maannamut suli oqaatigineqarsinnanngitsoq Naalakkersuisoq erseqqissaavoq. Taamaattoq ukiamut Inatsisartut ataatsimiilerpata tamanna aalajangiunneqassaaq.

Aamma atuaruk Qarasaasianik atuinerulerneq aningaasartuutinik sipaarfiussaaq

Aningaasaqarnermut Naalakkersuisoq Qanoruumiit akitsuutissat pillugit attaveqarfigineqarpoq:

- Aallaqqaasiullugu immaqa oqaatigigukku akitsuusersuisarneq sakkussatsialattut isigigakku, tassami uani akileraarutinik qaffaatiterinngikkaluarluni nalimmassaasinnaaneq akitsuutinik taanna orniginerusimagatsigu. Tassami inuit sullinneqarnerat apparsarnagu, sipaarniarfiginagu akitsuutitigut taanna matussuserniarsarisimagatsigu, Aningaasaqarnermut Naalakkersuisoq oqarpoq.

Aamma atuaruk Anda sakkortuunik aalajangiisarniarpoq

Suut akitsuuserneqassanersut aningaasanut inatsisissanut siunnersuutip aappassaarnissaani saqqummiunneqarumaarpoq, Anda Uldum nassuiaavoq.

- Kisianni oqareernittuut peqqissutsimut kiisalu aamma avatangiisinut tunngassutilinnik suliaqarpugut, Anda Uldum oqarpoq.

Aamma atuaruk Aningaasanut inatsit avissaartuutsitsivoq

Aappaagumut 96,5 millionit koruunit akitsuutitigut aaniarneqarput, soorliuna akitsuutitigut?

- Aningaasanik aallertoqarsimasinnaagaluarpoq akileraarutit qaffannerisigut, taanna isumaqatiginngilarput. Aamma sipaarniarujussuartoqarsinnaagaluarpoq 96 million koruuninut, aamma taanna isumaqatiginnginnatsigut, taamaammat akitsuutitigut, Anda Uldum oqarpoq.

Aamma atuaruk Aningaasanut inatsit: Sinneqartoorutit amigartoorutinngorput