Naalakkersuisut aalisarneq pillugu ataatsimiititaliarsuarmik suli pilersitsinngitsut

Naalakkersuisut aalisarneq pillugu atatsimititaliarsuarmik utaqqisaasumik suli pilersitsinngillat. 
Ilaasortassat suli toqqarneqanngillat, aamma suliakkiut oqaasinngorlugu allanneqanngilaq.   

Tamanna aalisarnermut naalakkersuisoq Nikkulaat Jeremiassenip Múte Bourup Egedemut paragraf 37 atorlugu akissutaani ersippoq. 
 

Inatsisartut aalisarneq pillugu ataatsimititaliarsualiornissamut 2 millionit koruuninik immikoortitsinikuupput. 
Aningaasaliineq, Nalakkersuisoqatigiit, Demokraatit apeqquteqartullu partiiata, IA aningaasanut inatsit pillugu isumaqatigiissutaannik peqquteqartoq.
Isumaqatigiissutip kinguneraa, aalisarneq pillugu ataatsimiititaliarsuarmik inuussutissarsiortut taakkualu kattuffiisa sinniisaannik ilaatigut ilaasortaqartumik pilersitsisoqassasoq. 

AAMMA ATUARUK Aalisarneq pillugu inatsisissaq ataatsimiititaliarsuarmut suliassanngortinneqartoq

Aningaasanullu inatsit pillugu isumaqatigiissuttaanna naapertorlugu, ataatsimiititaliarsuup ilasortassai aningaasanut inatsisip akuerineqarnerata kingunitsianngua toqqarneqassasut naatsorsuutigineqarpoq.

Aamma Naalakkersuisut ataatsimiititaliarsuup sulinissaanut tunngavissiamik immikkut piarersaassasut naatsorsuutigineqarluni.

Kisianni tamakkua suli pinngitsut, Nikkulaat Jeremiassenip akissutaani erserpoq. 

- Naalakkersuisut isumaqatigiissutaasut piviusunngortissallugit sulissutigaat, isumaliutaavorlu sulissutigineqartut nangeqqinneqarnissaat, Nikkulaat Jeremiassen Múte  Bourup Egedemut akissumminik allappoq. 
 

AAMMA ATUARUK Aalisarnermut ataatsimiititaliarsuaq nersoraat

AAMMA ATUARUK Ataatsimiititaliarsuaq ukiup affaa sulissaaq