Assi: Nils Baum, Bureau for Inatsisartut

Naalakkersuisup Ida Heinrich eqqaaniarpaa

Nunatsinni kulturikkut sunniuteqarluarsimasup Ida Heinrichip toqukkut qimagunnera kultureqarnermut naalakkersuisumit eqqaaniarneqarpoq.

- Ida Kalaallit Nunaanni erinarsornikkut kulturitsinnut malunnaatilimmik erinaminik nuannarilluarneqartumik sunniuteqarsimavoq, kultureqarnermut Naalakkersuisoq Ida Heinrichip toqukkut qimagunneranut atatillugu eqqaaniarnermini ilaatigut taama oqarpoq. 

Ida nunatsinni erinarsoqatigiinnut arlalissuarnut isummersuisarsimavoq klassiskiusumillu nipilersoriaatsimik operamik nunatsinni meerarpassuarnut, inuusuttunut utoqqaanerusunullu nuannarilluakkaminik ingerlatitseqqittuunera naalakkersuisup aamma oqaatigaa. 

AAMMA ATUARUK Operasanger Ida Heinrich er død

- Idap erinarsoqatigiittarnermik nipilersortarnermullu annertuumik qanilaartumillu tunniusimanerata nunarput tamakkerlugu nunanilumi allani ingerlatitseqqittarsimavoq.

Idap kultureqarnitsinnut ukiorpanni suliaqarsimanera nipilersornermut operamullu nuannarisaqarluartuunera ataqqillugu qujamasuffigalugulu eqqaamassavarput. Naalakkersuisoq oqarpoq imalu naggasiilluni:

Idap eqqaaneqarnera ataqqinartuuli.

Naalakkersuisut sinnerlugit Ilinniartitaanermut, Kultureqarnermut, Ilageeqarnermut Nunanullu
Allanut Naalakkersuisoq Ane Lone Bagger. 

Ida Heinrichip erinaq "Qujavunga" Danmarkimi 2017-imi atoraa uani videomi takuuk

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat