Naalakkersuisup Ida Heinrich eqqaaniarpaa
- Ida Kalaallit Nunaanni erinarsornikkut kulturitsinnut malunnaatilimmik erinaminik nuannarilluarneqartumik sunniuteqarsimavoq, kultureqarnermut Naalakkersuisoq Ida Heinrichip toqukkut qimagunneranut atatillugu eqqaaniarnermini ilaatigut taama oqarpoq.
Ida nunatsinni erinarsoqatigiinnut arlalissuarnut isummersuisarsimavoq klassiskiusumillu nipilersoriaatsimik operamik nunatsinni meerarpassuarnut, inuusuttunut utoqqaanerusunullu nuannarilluakkaminik ingerlatitseqqittuunera naalakkersuisup aamma oqaatigaa.
AAMMA ATUARUK Operamik erinarsortartoq Ida Heinrich eqqissivoq
- Idap erinarsoqatigiittarnermik nipilersortarnermullu annertuumik qanilaartumillu tunniusimanerata nunarput tamakkerlugu nunanilumi allani ingerlatitseqqittarsimavoq.
Idap kultureqarnitsinnut ukiorpanni suliaqarsimanera nipilersornermut operamullu nuannarisaqarluartuunera ataqqillugu qujamasuffigalugulu eqqaamassavarput. Naalakkersuisoq oqarpoq imalu naggasiilluni:
Idap eqqaaneqarnera ataqqinartuuli.
Naalakkersuisut sinnerlugit Ilinniartitaanermut, Kultureqarnermut, Ilageeqarnermut Nunanullu
Allanut Naalakkersuisoq Ane Lone Bagger.
Ida Heinrichip erinaq "Qujavunga" Danmarkimi 2017-imi atoraa uani videomi takuuk
