Naalakkersuisunut ilaasortat Kim Kielsenip aqagu saqqummiutissavai
Kim Kielsenip Siumup siulittaasuatut Naalakkersuisunngortussallu siulittaasuattut, Naalakkersuisunut ilaasortanngortussat aqagu ualikkut saqqummiutissavai. Partiip siulittaaasuata tullia, Mikael Petersen, KNR-imut taama oqaluttuarpoq.
Knud Kristiansen, Kim Kielsen & Anda Uldum
Allattoq Jaaku Lyberth
decembarip 09-at 2014 10:18
Inatsisartuni ataatsimiititaliat saqqummiunneqareerpata Naalakkersuisunut ilaasortanngortussanit akuerineqartussaapput.
Inatsisartunullu ilaasortanngortut gruppiminni aqagu pingasunngornermi nalunaaqutaq 15.00 ataatsimiissasut, Siumumi siulittaasup tulliata, Mikael Petersenip oqaatigaa.
Aamma atuaruk Naalakkersuisuulersut sanaartorneq ataavartoq qulakkeerumagaat
Aammattaaq oqaatigaa kikkut Naalakkersuisunut ilaasortanngussanersut aammalu kina Inatsisartunut siulittaasunngussanersoq partiit naalakkersuisuutitaqartut aalajangereersimagaat, Inatsisartunili partiit ilaasortaatitaasa akuerineqarnissaat maanna utaqqineqartoq.
Qinersineq pillugu allaaserisat tamaasa uani atuakkit.
