Sunniuteqarluarsinnaanissartik nuannaarutigaat
Tusagassiortunillu katersortitsinermi partiit siulittaasuisa tamarmik isumaqatigiissutip imarisaa oqaaseqarfigaat. Naalakkersuisut amerlanerussuteqaqqalaaraluarlutik atsiugartik nuannaarutigalugulu isumalluarfigaat.
AAMMA ATUARUK Siulittaasut nuannaartut naalakkersuisooqatigiinnissamut atsiortut
Atassutillu siulittaasuata, Siverth K. Heilmannip, partiimi politikkikkut anguniagai inissaqartinneqarmata nuannaarutigaa.
- Atassutip anguniagaani immikkoortortat 56-it nassiunnikuuagut taakkulu aamma ilassilluarneqarput Naalakkersuisooqatigiinnissamut isumaqatigiinniarnermi, Siverth K. Heilmann oqarpoq, siunissarlu neriulluarnarnerarlugu.
- Suleqatigiilluarutta qinikkat tamatta angusaqarnissarput qularutigineqassanngilaq aningaasarsiornitta suliffiillu allat ataavartut pilersinnissaannut taanna periarfissaq isumaqarpunga atorluarnissaanut piareertugut.
AAMMA ATUARUK Suliffeqarnermi ilanngaat, mittarfiit soraarnerusutisialinnullu aningaasat amerlanerit
Vittus Qujaukitsup isumaqatigiissummi partiimi pingaartitai qanoq ilaatinneqarnersut ima nassuiarpaa.
- Taamaattumik tulluusimaarpugut aamma isumaqatigiinniarnermi partiit suleqatigiligassagut taamatut ammasumik oqariartuutitsinnut aamma inissaqartitsillutik Nunatta suli pitsaanerusumik ingerlalernissaanut innuttaasut toqqissisimasumik atugassaqartinneqarnissaanut ineqarnerup tungaatigut suliffeqarnikkut aningaasarsiornissamut peqqinnissamut ilaalu ilanngullugit, Vittus Qujaukitsoq oqarpoq.
AAMMA ATUARUK Kielsen-ip Siverth, Hans aamma Vittus Naalakkersuisooqatigilerpai
Partii Naleqqalli siulittaasua naalakkersuisunngussanngilaq, taannami Inatsisartunut siulittaasunngussasoq innersuunneqarmat. Inuussutissarsiornerup kommunillu nukittorsarneqarnissaat inatsisartuni ilaasortaatitassami pingaartitarigaat oqaatigaa. Inatsisartunilu ilaasortat tamarmik tusaaneqarnissaat pingaartippaa.
AAMMA ATUARUK Hans Enoksen Inatsisartunut siulittaasunngussaaq
- Innuttaasut allat taasinerat tusaallugu aamma illuatungiliuttut peqatigalugit inuiaqatigiinni aaqqissuussinissaq uagutsinni aamma pingaarutilerujussuuvoq, Hans Enoksen oqarpoq.
