USA Naalagaaffiup sullissinerata ilaata matunera ukiumi nutaami ingerlaannassaaq
Tamanna Senatip imaqanngingajavissup juullip kingorna ataatsimeeqqaarnermini aalajangerpaa. Minutsialuit qaangiuttut missingersuutinut isumaqatigiinniarnerit pingasunngornermut kinguartinneqarnissaat ataatsimiinnermi aalangerneqarpoq.
Trumpip Mexicomut killeqarfimmi 5 milliardit dollarsit missaannik akeqartumik qarmarsualiorusunnera isumaqatigiinniarnermi isumaqatigiissutaannginnerpaavoq.
Qarmarsuaq taanna 2016-imi præsidentimut qineqqusaarnermini saqqummiunneqarpoq Demokraatilli aningaasaleeqataaffigerusunngilaat.
Naalagaaffiup sullissineranik matusineq pisortani atorfillit 420.000-iusut akissarsiaqaratik suliartornissaannik naalakkerneqarannik 380.000-illu allat sulinngiffeqartitaanerannik kinguneqarpoq.