Politikki Ilinniarneq Kulturi

Siunnersuut: Naalagaaffeqatigiinneq Danmarkimi atuartitsissutaalerli

Kalaallit Nunaat Danmarkimi meeqqat atuarfianni atuartitsissutigineqartariaqarpoq. Suliniaqatigiiffiit peqatigiiffiillu arlallit taama isumaqarput, naalagaaffeqatigiinnerullu nutaaliaasup Danmarkimi meeqqat atuarfianni aalajangersimasumik atuartitsissutigineqartalernissaa kissaatigineqarpoq.

Allattoq Helle Nørrelund Sørensen

septembarip 10-at 2018 11:42

Nutserisoq Simon Uldum

Peqatigiffik Kalaallit Meerartaat, Nunatsinni Røde Kors, Avalak aamma Kalaallit Illuutaat Københavnimiitoq taama isumaqarput.

Siunnersuut innuttaasut siunnersuutaattut saqqummiunneqarpoq, siunnersuullu Danmarkimi, Nunatsinni Savalimmiunilu innuttaasunit tapersorneqarsinnaavoq.

Siunnersuullu 50.000-init amerlanerusunilluunniit taperserneqarpat, Christiansborgimi partiit siunnersuutip Folketingimi saqqummiunneqarnissaanut periarfissaqarput.

AAMMA ATUARUK Kalaallit Folketingimut siunnersuuteqarsinnaanngorput

Siunnersuuteqartut naapertorlugit naalagaaffeqatigiinnerup ilisimasaqarfiginerulerneratigut isummat pigiliutiinnakkat assigiinngisitsinerillu ikilisinneqarsinnaapput nunallu akornanni angusaqarfiunerusumik naligiinnerusumillu suleqatigiinnissamut aqqutissaalluni, Kalaallit Nunaatalu, Danmarkip Savalimmiullu akornanni atassuteqarnermut nukittorsaataassaaq.

Siunnersuut septembarip tallimaani tamanut saqqummiunneqarpoq maannamullu 128-nit taperserneqarsimalluni.

Siunnersuut: Naalagaaffeqatigiinneq Danmarkimi atuartitsissutaalerli

Aamma atuaruk