Myanmarimili apriilip 17-ani ukiortaarsiorneq aallartippoq, præsidentillu ukiortaarsiornermut atatillugu saammaassineratigut tigusarpassuit aniguisussanngortut, AP taama allaaserisaqarpoq.Assi: David Stanley/Flickr Creative Commons

Myanmarimi tigusat 6500-it - tusagassiortullu Reutersimeersut - iperagaasut

Myanmarimi nutaarsiassaqartitsivimmi Reutersimi tusagassiortut marluk ullut 500-t sinnerlugit tigusaaqqareerlutik tigusallu allat 6.520-t ullumi aniguisinneqarput.

Præsident, Win Myint marlunngornermi taama nalunaaruteqartoq Reuters allaaserisaqarpoq.

Tusagassiortut marluk Wa Lone aamma Kyaw Soe Oo Myanmarimi 2016-imi decembarip qaammataani tigusarineqarput, taakkua naalagaaffiup isertugaataannik unioqqutitsisimasutut ukiuni arfineq marlunni parnaarussassanngortinneqaraluarput, isornartorsiuisulli isumaqarput musliimit ikinnerussuteqartut sakkutuunit malersorneqaranerat pillugu ilanngutassiisarsimanertik parnaarussaassutigigaat.

Myanmarimi eqqartuussiviup qullersaata tusagassiortunit suliassanngortitsineq apriilimi itigartitsissutigaa, tamatumalu malitsigisaanik tusagassiortut aniguinissaat qularineqalerpoq.

Myanmarimili apriilip 17-ani ukiortaarsiorneq aallartippoq, præsidentillu ukiortaarsiornermut atatillugu saammaassineratigut tigusarpassuit aniguisussanngortut, AP taama allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat