Nunani allani misilittakkat Nunatsinni iluaqutigineqarsinnaasut
Aatsitassarsioqatigiiffissuit assigiinngitsut peqataaffigisaanik Torontomi ataatsimeersuartoqarnerani tamanna pivoq.
Nunat assigiinngitsut 125-t aatsitassarsiorfinneersut aningaasaliisartullu ataatsimeersuarnermi peqataapput.
- Allat peqataasut unammillernartitaat uatsinnut aamma atuupput, aatsitassarsiornermut naalakkersuisoq Múte B. Egede oqarpoq. Taanna inatsisartuni ilaasortanik pingasunik ingiallorteqarluni angalaqataavoq, nunatsinneersullu aallartitat allat 50-t aamma peqataallutik.
Nunatsinniillu aallartitat isumasioqatigiisitsinermik ataatsimeersuarnerup nalaani aaqqissuussipput.
- Innuttaasut suliffeqarfiillu soqutigisaqarnissaat pingaaruteqarpoq, Múte B. Egede ataatsimeersuarnermit saqqummiisunit pissarsiaqarluarsimasoq oqarpoq.
AAMMA ATUARUK Grønland rasler ned af råstof-liste
Nunani allani aatsitassarsiulernissamik misilittakkat ataatsimeersuarnerup nalaani saqqummiunneqarput, nunani soorlu Papua Ny Guineami Nunavummilu aatsitassarsiulernissaq pillugu misilittakkat tusarnaarneqarlutik.
Naak nunat taakku marluk imminnut ungasittorujussuugaluartut, aatsitassarsiulernissamut periarfissaat pingasut assigiissutigaat.
AAMMA ATUARUK Danskit politikkerii Nunatta aatsitassarsiornikkut ineriartornissaanut akorngutaasut
Aatsitassaq imaluunniit aatsitassat piiarneqartussat imminut akilersinnaasumik piiarneqarsinnaapput, nunap attaveqaqatigiinnermut atortulersuutai pitsaasuusariaqarput, nunamilu pineqartumi naalakkersuisut innuttaasullu aatsitassarsiornissaq pillugu isumaqatigiissinnaasariaqarlutik.
