Danskit politikkerii Nunatta aatsitassarsiornikkut ineriartornissaanut akorngutaasut
- Kalaallit Nunaanni aatsitassarsiornissarsuaq aallartisappat, Kina avaqqunneqarsinnaasorinngivippara, Christina Boutrup oqarpoq.
Taanna Kina pillugu arlalinnik atuakkiaqarpoq, Kinamilu najugaqarsimalluni, ilaatigut danskit tusagassiorfianni berlingskemi tusagassiortuuuni.
AAMMA ATUARUK Danmark frygter kinesisk indflydelse i Grønland
Nunatta aatsitassarsiornikkut ineriartornissaanut Kina påingaaruteqartuusoq taanna isumaqarpoq.
- Allanik taama aannaasinnaasaminnik siunissamilu ungasinnerusumik aatsaat pissarsissutigisinnaasaminnik aningaasaleerusuttunik takusaqarsinaanngilanga, tusagassiortoq oqarpoq.
Nunani tamalaani aningaasarsiornermi inatsisinik ilisimatuup taperserpaa:
- Pivisuoq tassaavoq, Kinamiut suliffeqarfii pisariaqartunik aningaasaateqarmata, immikkut ilisimasaqarmata nunarsuullu ilaani tikikkuminaatsuni sulinermik misilittagaqarmata. Isumaqarpungali naalagaaffeqatigiinni aningaasaliisussarsiorniarlutik kalaallit qallunaallu peqatigiillutik ilungersortariaqartut, Lone Wandahl Mouyal KNR-imut allappoq.
Christina Boutrup naliliivoq, danskit politikerii nunatta ineriartornissaanut siusinnerusukkut kingaalaqutaareertut, Isukasianilu saviminissarsiorfissamik suliaq assersuutigalugu:
- Suliami tassani danskit politikerit imminnut akerartuupput, Danmarkimi saamerliit talerperliillu pissaaneqarniuunnerullutik, Kalaallit Nunaata siunissaanut suna pitsaanerunersoq pinnagu, Boutrup oqarpoq.
AAMMA ATUARUK Danmark ilumut anneruniartuuvoq
Danmarkimiit nunatsinniillu assigiinngitsunik nalunartoqaraangat, aningaasaliisartut paatsuuungalertarput, taamaammallu naalagaaffeqatigiinni politikerit atlantiku ikaarlugu nunatsinnut iluaqutaasussamik Christina Boutrup naapertorlugu isumaqatigiittariaqarput.
- Tassa neriupput arlaatigut paaseqatigiissuteqassasut, aningaasaliisartunut assigiimmik nalunaaquteqarsinnaalerlutik, taamaanngippat ajornartorujussuussaaq, Christina Boutrup oqarpoq.
