Musk USA-mit 2011-mili siullerpaamik avataarsualiartitsilertoq
Elon Muskip avataarsualiartitsisarfia SpaceX oqaluttuarisaanermut pingaaruutilimmik pingasunngornermi avataarsualiartitsiniarpoq, avataarsualiartartunimmi USA-mit ukiuni qulingiluani avataarsualiartitsisoqarsimanngilaq SpaceX-ili ullumi avataarsualiartitsiniarluni.
Avataarsualiartarnerup aningaasarsiorfigineqarsinnaanissaa Muskip neriuutigaa, pingasunngornermilu avataarsualiartitsinissaq tassunga ilaatigut attuumassuteqarluni.
AAMMA ATUARUK Avataarsuani misissuivik takornarianut ammarneqassaaq
USA-p præsidentiata Donald Trumpip, SpaceX-ip coronap ajornartoortitsinerata nalaani avataarsualiartitsinera, Floridami Kennedy Space Centerimit isiginnaassavaa.
Avataarsualiartartut marluk, 49-nik ukiulik Robert Behnken 53-inillu ukiulik Douglas Hurley, nunat tamalaat avataarsuani misissuiviannut ISS-imukartinneqassapput.
Angutit marluk taakku coronavirusip ISS-imut siaruaatinnginnissaa pillugu maajip ulluisa 13-ianniilli mattuteqqasimapput.
AAMMA ATUARUK Japanimiu aningaasaatilissuaq qaammammik kaajallaasussanngortoq
USA-p aningaasarsiutigalugu avataarsualiartitsisarnera Barack Obamap præsidentiunerani NASA-mit aallartinneqarpoq.
Avataarsualiartartut namminersortut nunarsuarmik kaaviaartinneqartalernissaat siunertaavoq.