NASA: Avataarsuani misissuivik takornarianut ammarneqassaaq
Takornariat nunat tamalaat avataarsuani misissuiviannut ISS-imut takornariartinneqarsinnaanissaat, amerikamiut avataarsualiartitsisarfiata NASA-p aappaagu neqeroorutigisalerniarpaa.
Franskit nutaarsiassaqartitsiviat AFP taama allaaserisaqarpoq.
NASA-p aningaasaqarnermut pisortaata Jeff DeWittip, avataarsualiartartut namminersortut, ullut 30-t tikillugit misissuivimmi ISS-imiissinnaanissaat periarfissarilissagaat, unnuinerlu ataaseq 230.000 koruuneqassasoq, oqaatigaa.
Akiliissutissalli NASA-muinnaq ingerlanavianngillat, NASA-mi Nunarsuarmi ISS-imut angallassinani, namminersortut soorlu SpaceX Boeingilu angallassisassapput, NASA-lu ISS-imiit utimut angallassisassaluni.
Nunarsuarmut uternerup 382 millionit koruuninik akeqarnissaa naatsorsuutigineqartoq, AFP-p allaaseraa.