Mount Everestimut qaqiniarlutik utaqqisut marluk ajunaartut

Aqqusinersuarnersuarni pisiniarfinnilu utaqqisorpassuaqartarpoq Mount Everestimili aamma utaqqisorpassuaqartarpoq.

Qaqqasiortartut hundredilikkuutaat pingasunngornermi utaqqillutik kinguleriiaattariaqarsimapput. Qaqqalli qaavanut aqqut ima nerukitsigaaq qaqqasiortut ilaat akunnerit pingasut utaqqisariaqarsimallutik.

New York Times taama allaaserisaqarpoq.

Mount Everestimut qaqiniartut sapaatip akunnerata ingerlanerani arfineq marluk siulianilu qaqqasiortut marluk ajunaarsimapput, dr.dk taama allaaserisaqarpoq.

AAMMA ATUARUK Qaqqasiortartoq rekordiliisoq: Mount Everest 23-ssaanik qaqigaa

- Qaqqani taama utaqqisortarnera siornatigut takoreerpara, aatsaalli taama qatsitsigisumi taama takusaqarpunga, Nirmal Purja Amerikami tusagassiuummut taama allappoq.

Utaqqisorpassuillu pissutigalugu qaqqasiortut marluk inuunertik annaavaat. Pineqartullu tassapput angut Amerikamiu arnarlu Indiami. Taakku tamarmik 54-inik ukioqarput.

Iltikilliortut

Amerikamiu iltikilliorluni aqullaarnermini toqusimavoq, arnarlu Indiamiu aterterluni toqusimalluni.

Angallassisuusut - sherpanik taagorneqartut -naapertorlugit, majuarnermik naatsorsuutigisamit sivisunerunera, taamaattumillu aamma nukersornarnerunera toqqussutigaat.

Qaqqarsuup Mount Everestip inngia meterinik 8.848-nik qatsitsigisumiippoq, taamaammat aamma qerussortoornissaq iltikilliornissarlu qaninnerusarpoq.

New york Times naapertorlugu inuit 802-t Mount Everest siorna qaqivaat, qaqiniarneralu navianaraluaqisoq qaqinissaa soqutigineqaleraluttuinnarpoq.

- Aqqutaa navianareermat inuppassuit ingerlaaleraangata suli navianarnerulersarpoq, tamannalu ajornartorsiutaasupilussuuvoq, Nivesh Karki, angallassisarfimmi pisortaq oqarpoq.

Mount Everestip qaqiniarnerani inuit arfineq-marluk sapaatit akunneranni uani ajunaarput, sapaatit akunneratalu siuliani marluk.

Mount Everestimut qaqqasiortut maannamut 200-t 300-llu akornanni ajunaarsimassangatinneqarput,