Modernap akiuussutissaliani 2022-mi marloriaatinngortinniarai
Nakorsaasiorfiup Modernap coronavirusimut akiuussutissanik nioqqutissiornini 2022-mi 3 milliardinngortinniarpai. Tamanna ilimagisamit marloriaataavoq.
Suliffeqarfik taanna sisamanngornermi taama ilisimatitsivoq.
Modernap coronavirusimut akiuussutissanik amerlanerusunik ukioq manna 2021-mi aamma nioqqutissiariniarpai. Akiuussutissat 800 millionit 1 milliardillu akornanni nioqqutissiarissallugit maanna ilimagineqarpoq. 700 millioninik nioqqutissiorsinnaanissaq siornatigut ilimagineqarsimagaluarpoq.
Modernap akiuussutissaliaanik akiuussusiinermi ataatsimi maannamut 100 mikrogramimik akiuussusiisoqartarpoq, affaannaannilli akiuussusiineq siunissami naammassinnaalluni.
AAMMA ATUARUK Kirsten Fencker tusatsiakkat eqqunngitsut pillugit: Apeqqusiinissaq pingaaruteqarpoq
Assersuutigalugu marloriarluni kapitissimagaanni, kingornalu kapiteqqissagaanni annikinnerusumik imaqartumik kapitittoqarsinnaavoq, meeqqallu akiuussuserneqarneranni annikinnerusumik imalimmik akiuussusiisoqarsinnaavoq.
Moderna coronavirusimut akiuussutissaliaanik kapitinnermi marloriarluni kapitittoqartarpoq.
Akiuussutissap uninngatinneqarnissaanut atatillugu nutaarsiassatsialaqartoq Modernap sisamanngornermi aamma paasissutissiissutigaa.
Paasissutissat nutaat naapertorlugit akiuussutissaq nillataartitsivimmi sapaatit akunneri pingasut tikillugit uninngatinneqarsinnaavoq. Tamanna piffinni qerititsiveqanngitsuni atorneqarnissaanut ajornaannerulersitsivoq.
/ritzau/Reuters